قصيده الى غازي الزغيبي......نايف بن مياس

هذي قصيده موجهها الى العلم الشاعر/ غازي مغيران الزغيبي

ياهجوسي ساعديني لا تهيض بالي=وجهي جملة بيوتٍ بالصخر منحوته
للصحيب اللي بقلبي له مقامٍ عالي=يمه الابيات من بد البشر منعوته
مانسوق لراعي الجزلات غير اجزالي=كنها في نون عين عقاب تشبه نوته
يالزغيبي لو رفعت الصوت في موالي=ماتسلي ضيقة الزعلان جرة صوته
دامها يا ابو طلال بشمخ الاطلالي=من يلوم الشامته بالعالم المشموته
الخطاء عم العرب ماهو علي لحالي=كيف راع القدس يجر لليهود بيوته
قول اقوله مار فيه اقوال ماتنقالي=واللبيب اللي يعرف العلم صعب اتفوته
إن تركت الحبل بالغارب بفجٍ خالي=تيتعود الذاهبه وخروجها مكتوته
ودنا قبل القصاير لا تصير اطوالي=وقفة منها المحيط يموت وسطه حوته
والمطر لو كل وادي من هميله سالي=مايفيد القاع في غير الوسم ووقوته
الحمول الكايده تبغى جمل يشتالي=ماتبي صوتٍ رفيع ونبرة مخفوته
وانت من روس القبيله باللقاء خيالي=فيك من عزم الجمال ومن طويق اثبوته
نايف بن شليويح بن مياس الفريدي

أخووي نايف شليويح الفريدي صح الله السانك
على
القصيدة ويستاهل من يوجهه له الشاعر غازي الزغيبي
نبي رد الشاعر غازي اذا هو راد على القصيدة
مشكووووووور أخوي نايف على الاضافة

صح بدنك يا مشعل المجالس وعامرها لك الشكر عالمرور

نايف بن مياس
مشكور على هذه القصيدة
يستاهل مأسند اليه شاعرنا من ابيات
غازي الزغيبي " شاعر القبيلة " وهو مدفع بوجه كل معادي
" تقبل تحياتي

اقتباس:
المشاركة الأصلية كتبت بواسطة ماجد المطيع

نايف بن مياس

مشكور على هذه القصيدة
يستاهل مأسند اليه شاعرنا من ابيات
غازي الزغيبي " شاعر القبيلة " وهو مدفع بوجه كل معادي

" تقبل تحياتي

اخوي ماجد صح بدنك وتستاهل الطيب لك الشكر

نايف
صح لسانك وسلمت يمينك على هذه القصيدة الرائعه
لاعدمتك

اقتباس:
المشاركة الأصلية كتبت بواسطة خلف الفريد
نايف
صح لسانك وسلمت يمينك على هذه القصيدة الرائعه
لاعدمتك



صح بدنك وعساك سالم