ذبحتني ماعاد في داخلي روح

ذبحتني ماعاد في داخلي روح

ذبحتني ماعاد فـــي داخلي روح=وخيم سماي الحزن وإنت السبايب
وقتلت خاطر من يحبك ومشفوح=يبغى لقاك وعود الـــيوم خايب
كسرة زجاجٍ طاح من عالي إسطوح=من يجبره لاصار كسره حطايب
ورميتني في غب الاحزان مجروح=ولاضنتي جرح الهوى منك طايب
أضحك وأبادل راعي المزح بمزوح=والقلب من جواي ينقص صوايب
الحظ مقفي وباب الوجاع مفتوح=وحالي وعيني تستهـــل التعايب
والدمع من عيني على الخد مسفوح=والراس من كثر الهواجيس شايب
برق الشقا بعالي سمايا بدأ يلوح=وهلت همومي مثل هل السحايب
حبيت وأثر الحب مامنه مصلوح=خصً ليا حبيت والـــحب عايب
حب من طرف واحد من صدود وجنوح=من واحدٍ من حـــبه القلب ذايب
أنا وصلت وصل غالي ومشفوح=وطبع الوفا بـــاللي مغاليه غايب
جنب وخلاني على الجنب منزوح=وقفى وخلا نار شووقي لهايب
وقالها في كل تأكيد ووضوح=روح إبتعد مابيك محنا حبايب
والمشكله مقدر على الهرج والبوح=من حيرةٍ بــلشان ذقت النشايب
أخاف لاسدلي مع الناس مفضوح=وسود الوجيه تحط بينا العوايب
مدموح ياخلي عن الزل مدمووح=مابه ملام الحب مابه غصايب
مألوم محبوبي على الصد مسموح=ألوم نفسي ليه؟جبت المصايب
وليه أنا أخترته هوى البال مملوح=وعزيته أكثر من عزيزين القرايب
يازين ماني عن محبتك منصوح=ولاضنتي بنسى وعن الحب تايب
أقولها في صوت مبحوح بنحوح=سنين عمري راحت لجلك نهايب
طيفك يراودني ولاهو بمززوح=ركز على التفكير صرنا صحايب
وإليا سمعت إسمك طرب خافقي إطموح=ويــــدق قلـــبي مثل سير الكتايب
ياويل حالي وين أبا أهيم وأروح=والياس في قلبي أناخ الركايب
تحطمت دنياي ماعنددي إطموح=وطاارالأمل كالريش وسط الهبايب
وصفت أنا قصت محبته بشروح=ولاغيره يحوس الدواء والطبايب
بقعد حياتي كلها ارجيه وأنوح=عزوبي ولو هلوا علي الترايب
وإن مت خطوا قصتي داخل اللوح=وغزوا لي اللوحه بجنب النصايب
وقولوا سبب موته من فلان مذبوح=عســــــاه من عقبي يذوق العقايب

شكراً
ميس على اختياراتك الرائعه
ويدوم لنا ان شاء الله هذا الابداع والتواجد

عزالله إنه لعبي لين غواني
وأنا بعد لاعبنبه لين غويته



القديره
ميس الريم
أهنيئك على حسن الاختيار
دمتى ودام إبداعك دائماً تفاجئيننا بالجميل
تحيتي

جميل ورائع هذا الانتقاء والنقل ...
وهذا ماتعودناه من ميس الريم ...
دام التألق والابداع
لاعدمتك

شكراً
ميس على اختياراتك الرائعه

اقتباس:
المشاركة الأصلية كتبت بواسطة ابوحمد
شكراً
ميس على اختياراتك الرائعه
ويدوم لنا ان شاء الله هذا الابداع والتواجد



هلا فيك في مصفحي
يشدو لك عطرا وشكرا لمرورك واشادتك الرائعة
دمت ولا هنت اخوي ابو حمد

اقتباس:
المشاركة الأصلية كتبت بواسطة غازى بن عجاب أبوزوايد
عزالله إنه لعبي لين غواني
وأنا بعد لاعبنبه لين غويته



القديره
ميس الريم
أهنيئك على حسن الاختيار
دمتى ودام إبداعك دائماً تفاجئيننا بالجميل
تحيتي



والأجمل من ذلك مروركم واشادتكم التي يعجز القلم يكتب مايوازنها قدرا واحتراما
لكم منا جزييييييييل الشكر وكثيييييييير التقدير
اخينا غازي بن عجاب

اقتباس:
المشاركة الأصلية كتبت بواسطة خلف الفريد
جميل ورائع هذا الانتقاء والنقل ...
وهذا ماتعودناه من ميس الريم ...
دام التألق والابداع
لاعدمتك



اخي القدير خلف الفريد
تقول ابداع وتألق وما هي إلا اشادة تعانق مصفحي
ولايكن ذلك إلا حين مروركم وما تخط اقلامكم من رأيكم هو تألقنا وتميزنا
الفين شكر لك وتقدير يعتز ويفتخر مصفحي بمرورك القدير

اقتباس:
المشاركة الأصلية كتبت بواسطة النمر الارقط
شكراً
ميس على اختياراتك الرائعه



شكرا جزيلا لك النمر على مرورك العطر
دام تواجدك