عبدالله بن مسيب الجروان العنزي

هذا الشاعر معاصر ومعرف ورئيس مركز حفايرالعهين

بديت باسم الله ولي المقادير=جلى جلاله كل ماراد قدار
عالم خفي المقبله والمدابير=في كل وقتاً عالماً غيب الأسرار
الأجل ما بوقته تقدم وتأخير=حكم الذي منه المرازق والأعمال
يالله يالخالق عليك التدابير=يا الخالق المعبود يا وال الأقدار
وتجعل لنا في كل الأوقات تيسير=من رحمتك يا الخالق النافع الضار
ياعارف العله أبلياء مناظير=وأنجيت من قوم الدسايس هل الغار
خلاف ذلك قلت ضمن الشواعير=ترحيب صادق قلتها ضمن الأشعار
أهلاً بملكنا صاحب العدل والخير=مرخص على شعبه شطيطات الأسعار
أرخص على المحتاج كل المساعير=من عقب ماهي طائره كنها النار
رأس العروبه مايهاب المخاسير=بالعطف واللي يرفع الرأس خسار
أهلاً عدد رمل الطعوس الحمارير=واللي حضر بالمنطقة معه زوار
يا علها بوجه ملكنا مسافير=عز الأرامل مكرم الضيف والجار
نسل الذي ما صار مثله ولا يصير=حكمه على الحكام قدوه وتذكار
عبدالعزيز اللي من أعلا المشاهير=بكل الدول ما كان مثله ولاصار
قول وعمل ممشاه نيه وتفكير=وكفه كما غيثاً على الشعب مدرار
ما مهدنه ناقضات الدعاثير=ولا هي غرابه من عمل حر الأوكار
وخلف لنا بعده ملكواً مشاهير=والكل لدرب الخير زراع وبذار
أهل الشجاعة ممنين المقاصير=وأهل الكرم والجود والمدح والكار
أهل اليدين المكرمات المبادير=والحكم شرع الله ولا فيه تغيار
املكونا مثل حليب المباكير=منهم عبدالله كما الوالد البار
وأخوانه اللي كالسيوف البواتير=أسرة هل العوجاء بعيدين الأذكار
وقت الملاقاء ينطحون الطوابير=حماية الأملاك والعرض والعار
خدام حكم الشرع وبذالة الخير=مامثلهم بالشرع في كل الأقطار
اللي على حق العروبه سواهير=من يوم كانوا هم هل الملك والدار
بعد الصحارى والأهالي فوقير=المملكة صارت بساتين وأنهار
من فعلهم صارت حقولاً مخاضير=وبعد الحزوم القاحله كلها إزهار
وتسهلت كل الخطوط المواعير=وصارت شوارع مدنها والقرى قار
وقامت تصدر بالمشاريع تصدير=ويورد الإنتاج من كل الأقطار
فعل آل سعود اللي تلقاء المخاطير=أهل الوفاء والطيب بالموقف الحار
مواكراً ما هي مواكر عصافير=مواكر حراراً ما يهابون الأخطار
ولي عهدك مثلكم من هل الخير=يشهد لكم سكان بره والأبحار
ماهو من اللي يكنزون الدنانير=سلطان زبن اللي شكاء ضيم الأعسار
من ماكراً تجناه كل الصقاقير=حر يصقر كل من كان صقار
من طيب رائه طورالجيش تطوير=دون الوطن وأن ثارت النار وغبار
وحائل مساكن طي وعرار وعمير=يوم الجزيرة بالمشاكل والأشرار
واليوم صارت داركم يالماعير=أنتم أهل سكانها بكل الادوار
وديار وائل من عصر سالم الزير=وحدودها من الشرق بديار سنجار
أهل الهدف حطو بها خوش تقرير=محمية بين المسماء والأمرار
وأهلا بكم يأهل التقدم وتعمير=عز المواطن دون جحدان وأنكار
ويرحب أمير المنطقة والجماهير=يرحبون بجيتك سر وجهار
سعود لك عنده جلالاً وتقدير=ولد أخوك ومن وسيعين الأنظار
وترحب أهل حائل برؤوس المنابير=والمنطقة جميعها صغار والكبار
وكل القبائل كاسبين المفاخير=تظهر لكم طيب الوفاء والولا إظهار
ترحب بني وائل حماة المغاتير=ترحب بكم ياصاحب المجد والكار
وترحب بكم شمر وحرباً مع مطير=وجميع مدلهت العشائر بالأقفار
عسى وطنهم بالمزون المزابير=تسقى مطر رحمه غزير من الأمطار
وعسى بطانتكم ناصحين وخوابير=حيث القضايا تهم لو أنها صغار
والماء ما يظهر أبلياء حوافيز=والمصلحة تبي وظائف وتجار
وإذا تمعنت العمل به نوابير=شئي يجي مره وشيات تكرار
وأبي أذكر والي الأمر تذكير=واللي نقوله شيء من بعض الأخبار
أخدر يفرك طيبين المظاهير=ضد العمل وأقوالهم كلها قمار
للواثقين من المراجع سواحير=مشعوذين القول يخفون الأنوار
ينفر المؤمن من الحكم تنفير=بأعمال تجعل طيب القلب يحتار
أهل النفاق مفتشين المصارير=طلع لهم بالخلق مدخل ومظهار
وظهر لهم بالناس نوع وجماهير=ومن نوعهم كثر التهور والأصرار
أرهاب وأنواعاً على منهجا غير=شكل فسق ضد العدل مثل ماصار
تدفهم سواد القلوب الخنازير=زيناً نباة وقلبه أنجس من الفار
وحطوا لهم بالناس مثل المعابير=والحق ما يوزن على كل الأنفار
أستثني الطيب مع الظلم ما يغير=لكن قليل الصف ما نوعه أكثار
وبعض البطاين يابومتعب مخامير=جرب وجربها غاطساً وسط الأوبار
تاجد عملهم بين نفعاً وتظرير=ومن ماوجد له واسطة شاف الأضرار
لوتشتكي عنده بالأقوال تبرير=وإذا سمعته قلت من نوع الأصخار
وإذا كتب عنده مرونه وتعبير=وهذه عوائد كل من كان مكار
ولكن التعقيب ضد الهوامير=والأمر ما يسند على كل الأمار
أنتم ما قصرتم لكن فيه تقصير=بعض لا مكلف بالموالين يختار
الأسم خيريه وجت من هل الخير=وبعض أهل الحاجة يقابل الأعذار
ومنها المدارس ماتجي بالتياسير=كل الطلبه معرضيناً للاخطار
من عام ثمانية وتسعين تهجير=عن المدارس في ملايين الأمتار
تحت الرجاء مامن قناعة وتبشير=من عالماً تلعب بها عوج الأفكار
واللي رثع بالناس بعض المشاوير=وأهل الذكاء ما تتخذ كل الأشوار
والحق مثل الشمس ما فيه تغيير=والناس ماذا حصان والثاني حمار
وبعض العلاج يخدر الجسم تخدير=إذا كان ما يكشف على الجسم بيطار
ومطهرين الغش والظلم تطهير=الحق وافي عند وافين الأشبار
والله يغير كل ظالم وغدار=حتى رسول الله جلى من الكوافير
جلوه من مكه إلى بلاد الأنصار=وسليمان بن داوود عبره وتعبير
أكلت عصاه الدابه ميت ونهار=السرف دائم قوته بالمناقير
وصم الخشب يلعب بها تقل منشار=ضعاف الجسوم ورؤسها كالمسامير
يضرب بها صم الخشب تقل حفار=وبعض الأمور تكدر النفس تكدير
وأدراء بها مزيل المشاكل والأكدار=وجماعة الشيطان تعمل مصاخير
واللجن يعباله عن الناس حشار=وصلاة ربي عدرش المعاصير