لاهان راسك يابن علي .....

((لاهان راسك يابن علي))

ياشاعرٍ لو القوافي تشيّب=صخرتها تصخير من بان شدّه
تشدها باطناب ماهو طنيّب=وليا بنيت البيت من هو يهدّه
يوم القصايد نوب فيهن غريّب=هابس يجيب ابيات عنبر وندّه
وان جا يصوغ القاف عجلٍ مجيّب=كنه حصان سباق دربه يفدّه
يابن علي كمبود منك نتطيّب=ياوارثٍ للطيب من روس بدّه
يوم الرجال احيان فيهم شنيّب= انته شنب لاقام هده وردّه
وانته زهاب العز ماهو زهيّب=يوم الردي خيبان مافيه لدّه
بيرٍ مثل هداج ماهو قليّب=ومجدك من اهل المرجله تستمدّه
ربعي حمول الخيل ماهو مسيّب=دخيلهم يوم البلاوي تحدّه

اخوى الكبير بقدره
خلف بن عتاق الفريد
تظل عنواناً للإبداع ويظل قصيدك له نكهته الخاصه
تقول وتجيد القول وتنحني هامات القوافي إحتراماً لكــ
لك جزيل التحيه إحتراماً

صح لسانك يا عندليب المجالس
يستحق كل ذلك واكثر شاعرنا القدير هابس
شكرا لك ودام تواجدك هامة على صروح العز والشموخ
تقبل وافر التقدير

صح لسانك أباعبدالعزيز ولالك مهونه

والرد بالطريق بس عندي ضروف

عمل هاليومين أعذرني

وأن شا الله تجملني فيك

وتكون رايقه لك

صح لسانك ابو عبدالعزيز

وتبقى وافي مهما صار

دمت لنا بهذا الوفاء وصفاء القلب

لك تحياتي

ماجي متصفخ عمي الامعي شي وانتم تعرفون الكرم عندنا ماريه

تعطي عمها اذكار تحصين تقول حصن نفسك ياعمي شياطيين الانس والجن كثرو
كماهو عمي خلف كاسر خشم القوافي لله درك

صح لسانك اخوي خلف
ويستاهل ابن علي

صح لسااانك استاذنا لك الشكر ويستاهل الطيب هابس

تستاهل التقدير والاحترااااااااام ياشاعرنا الجزل
لذي نعتبرة بحراً من شعر
يستاااااااااااهل الشاعر هابس العلوي
وتستاهل عندليب المجالس كل التقدير
هذا مروري .تقبل مروري

أخــــــــــــــــي القدير
خـــــــلف الفريد

شعر جزل من شاعر لسانه رطب وطيب
تلعب حروف القصيد في فيه لعبا مقيد

صح لسانك وسلم رأسك
اعجبتني جدا جدا
دمت لهذه المجالس عندليب
وقدرك فيها شامخا حبيب لبيب