فتنة الحفل

فِـتْـنَـة الْـحَـفْـل

فتنة الحفـل زيـدي مشيتـك بختـره=كل خطوة بروق وكـل نفحـه صهيـل
باقـي بيـن عقلـي والجنـون شعـره=اقطعيها ياشينه عاشـقٍ .. مـو هبيـل
خلي الارض تاخذ شكـل غيـر الكـره=خلي النار تاخـذ رمـز غيـر الفتيـل
من غدى الليل شعرك قلت انا بسهـره=ومن غدى الصبح وجهك قلت مالي مقيل
ارقصي بيـن حـد الذنـب والمغفـره=ارحلي في سكونك واسكني في الرحيـل
ارجفي كنـك المـا.. فززتـه حجـره=واثبتي كنـك الفضـه بعيـن البخيـل
وانحني مثل غصن فـي طرفـه ثمـره=واوقفي مثـل فزعـات بـدوي اصيـل
والفحـي علمينـا كيـف تقـدر مـره=تزرع الليل صبح .. وتزرع الصبح ليل
فـي عيونـك سـواد يستحيـل اخـره=كامن ٍفي بيـاض ٍ .. اولـه يستحيـل
واحـد تخزريـن ومـا يجيـك خبـره=اشهد انه عزيـز واشهـد انـه ذليـل
اتركي العقـد بيـن الجـد والغشمـره=يخبر الناس وش معنى جميل في جميل
كن في الصدر ظبـي عيوننـا تذعـرة=ينتفض يذعـر الـي مذعرينـه قبيـل
ومفرق الصدر حبـات العـرق تجهـرة=كن لك عقد در وعقـد مـن سلسبيـل
بينهم حسـد ربـي مابعـد صـوره=عقـد وده يجـف وعقـد وده يسـيـل
آآه ولا لمحـتـك مقبـلـه مـدبــره=شفـت مثلـي نحيـل زم حمـل ثقيـل
دام ذا (000)وش للنـاس بالمـقـدره=دام ذا خصر وش لي بالخواتـم بديـل
وسط ثوب ٍ خيوطه صمت فـي ثرثـره=به قليـل ٍ كثيـر.. وبـه كثيـر قليـل
كل شـيء بجسمـك يفضحـه يستـره=فيه فتنه قصير وفيـه حشمـت طويـل
كنه المخطـي الـي يطلـب المعـذره=وكنه الدامح الزلـه عـن الـي يعيـل
في ردونـه نقـوش لـه سنابـل ذره=الله اعلم لـو ان الريـح هبـت تميـل
كل شـيء ونقيضـه فيـك بالمسطـره=اقرب من النفس وابعد من المستحيـل
كنـك الكـذب لكـن ماحـد ينـكـره=وكنك الصدق لكن مافـي يدينـا دليـل
باشت الغيـد زيـدي مشيتـك بختـره=لاجل اطاول بحرفي شامخـات النخيـل
شاعـر تلمـس ايدينـك علـى دفتـره=تغرق في اوسط اوزانه بحـور الخليـل

الشاعر فهد عافت

ومــفـــرق الــصـــدر حــبـــات الــعـــرق تـجــهــرة
كــــن لــــك عــقــد در وعــقـــد مـــــن سـلـسـبـيـل ؟؟؟ا؟؟؟؟؟!!!!!!!!!!!!!
فهد عافت وش اصله لاهنت

صح لسان فهد عافت

واشكرك ابو فيصل على روعة الانتقاء ولاختيار

وليس بغريب من استاذ وشاعر وناقد ان ياتي بهذة القصيدة

تحياتي لك ...

اقتباس:
المشاركة الأصلية كتبت بواسطة الريم الشمالي
ومــفـــرق الــصـــدر حــبـــات الــعـــرق تـجــهــرة
كــــن لــــك عــقــد در وعــقـــد مـــــن سـلـسـبـيـل ؟؟؟ا؟؟؟؟؟!!!!!!!!!!!!!
فهد عافت وش اصله لاهنت

الريم الشمالي
اشكرك على المرور العطر وفهد عافت شمري
تحيتي

اخوى
سهم الفريدي
أشكرك على المرور العطر والاشاده بالاختيار
تحيتي

فهد عافت
هذا الشاعر المتمرد ذو الشطحات الكثيره والكبيره ...
هذا الشمالي المتمرجح بين الطويل والقصير والمعقول والمستحيل والذنب والمغفره !!!!!
لكنه مع ذلك يظل مجال السجال ومكمن الامتاع والابداع ...
قصيدة "متعوب عليها صحيح" كما يقال يظهر فيها نفس الشاعر الطويل وخبرته الاطول..
ولذا لزاما علينا ان نقف احتراما لهذه الفارهة الباذخه في كل شيء ...
كما اقف افتخارا لصاحب الاختيار الراقي وناقل الابداع .. ومن غيره ؟؟
انه غازي ابو زوايد شاعر الجزاله ودقيق الانتقاء ....
صح لسان الشاعر وسلمت يمينك ابا فيصل ..
وتقبل تحياتي وامتناني
لاعدمتك

وســط ثــوب ٍ خيـوطـه صـمـت فــي ثـرثــره

بـــــه قـلــيــل ٍ كـثــيــر.. وبـــــه كـثــيــر قــلــيــل

كــــــل شــــــيء بـجـســمــك يـفــضــحــه يــســتـــره

فــيــه فـتـنــه قـصـيــر وفــيــه حـشـمــت طــويــل

ما أجمل الابيات التي تحمل كلمات ومضادها
قصيدة وصف جدا رائعة
صح لسان فهدعافت
ذو القصيد النابغ
وتسلم يمناك اخينا غازي على ذا الاختيار
المتألق
لك شكرنا وتقبل مرورنا

ماشاء الله ابدعت في نقل الرائعه لشاعر المبدع فهد عافت

مشكووور ابوفيصل .

وقفت وبتسمت امام هذه القصيدة التي
تجبر القراء على الاعادة أكثر من مرة
وهذا دليل على القصيدة انها ذات
ابداع من الشاعر الكبير فهد عافت
كلمة شكر لك يا ابو فيصل على أختيارك الرائع
وهذا لايستغرب منك لأنك شاعر وناقد
وتعرف كيف تختار وتعرف أحساس العشاق !

اقتباس:
المشاركة الأصلية كتبت بواسطة خلف الفريد
فهد عافت
هذا الشاعر المتمرد ذو الشطحات الكثيره والكبيره ...
هذا الشمالي المتمرجح بين الطويل والقصير والمعقول والمستحيل والذنب والمغفره !!!!!
لكنه مع ذلك يظل مجال السجال ومكمن الامتاع والابداع ...
قصيدة "متعوب عليها صحيح" كما يقال يظهر فيها نفس الشاعر الطويل وخبرته الاطول..
ولذا لزاما علينا ان نقف احتراما لهذه الفارهة الباذخه في كل شيء ...
كما اقف افتخارا لصاحب الاختيار الراقي وناقل الابداع .. ومن غيره ؟؟
انه غازي ابو زوايد شاعر الجزاله ودقيق الانتقاء ....
صح لسان الشاعر وسلمت يمينك ابا فيصل ..
وتقبل تحياتي وامتناني
لاعدمتك



اخوى
الكبير بقدره
خلف بن عتاق الفريد
اشكرك على المرور والاشاده والمداخله لاهنت

شكرى وتحياتي