الى الاخ الغااالي خلف الفريد مع اجمل تحيه واحتراااام %% خلف تهيّض من حبيبه %%

تحيه احباابي من جديد والقصيد الحقيقه لقد اعجبتني القصيده الموجه لاخي بن جضعان من الاخ ابو عبدالعزيز واللذي يذكر بها اسمي والعزااوي والله لايجيب التعزوي والامر بسيط تسااهيل ان شاء الله ولقد جاريته بابيااته امل ان تناال استحسااانكم ,,,,

يابو عمر من لامني بالحبيّب = يعيش مايلقى وليف ٍ يودّه
اللي كلامه ياعلي رش صيّب = واليَن من النسمه بكرنيش جدّه
بيني وبينه قول حاضر وطيّب = يشدّني يمّه ويمّي يشدّه
واليا التقينا فيه خوف وتهيّب = شفت العيون السود ماشفت خدّه
لكن بتال الوقت ذهنه مغيّب = عنده ظروف ولا تبيّنت سدّه
يامسندي مثل البعيد القريّب = عجزت افرّق بين هزله وجدّه
يعيننا اللي عادته ما يخيّب = رب ٍّ كريم وكلنا تحت مدّه
يابو عمر طرد الهوى مايعيّب = ابو زوايد قبلنا الحب هدّه
سنّي بسنك مير راسي مشيّب = لو شافني هابس تعزوى بجدّه
يابو عمر بيّنت فحوى الكتيّب = قال المثل "ماتستحي منه بدّه "

اهلاَ" هلا من مثلكم مايسّيب
يالنآقد اللي مابه احد يضده
مطنوخ منته يابن راشد حضّيب
وقول الحقيقه لآزم انا نعده
خلف تهيض من حبيبه صّويب
سهم المحبه ماقدر له يصده
وضع الهوآوي يالبنآخي صّعيب
من ولعنه بالهوى ما يرده
مايدآوي المجروح طب الطبّيب
ياكود من شم الصدر ريح نده
والفرق وآضح بين بكر وثيّب
وتفرق كذلك بين حقد وموده
وختآمها من مثلكم مايسيّب
يالشآعر اللي مابه احد يضده

وسلآمتكم يالغآلين٠٠٠

مجاراة رائعة جدا
صح لسانك ابا عبدالله
تقبل وافر التقدير

صح الله السانك ياهابس العلوي
على القصيدة الرائعه والمجاراة للأخ الحبيب ,خلف الفريد
صح السانك مرة أخرى ,....تقبل مروري لك

اخوى
هابس العلوى
صح لسانك ولاهنت على هالمجاراه الرائعه
للشاعر الرائع ابا عبدالعزيز مره ثانيه لاهنت وصح لسانك
تحيتي

صح السانك ياهابس على هذا الردود على ابو عبدالعزيز الذي يحب عسف الصعبة وهذا انت لا تقل عنه في هذه السابقه لكم تحياتي

صح لسانك ابا عبدالله
تقبل وافر التقدير

صح لسانك
ابوعبدالله
على المجاراه الرائعه لشاعر الكبير ابوعبدالعزيز
وافيه من راسٍ وافي
لاهنت

صحت ابدااانكم جميعا ,,,,,,,,,

صح لسانك
ولا هان راسك ياكحيلان
والرد تستاهله
لاعدمتك

صح بدنك .......