ابتهال من القلب .......

ياكاشف الغمه وللهم فارج=اجعل لنا من كل ضيقٍ خراجي
ونعوذ بك من كل شيطان مارج=اللي جيوشه كنها الليل داجي
ومن هول يومٍ بيّنته "المعارج"=الرابح اللي فيه مكتوب ناجي
ومن كلمةٍ يركض بها كل هارج=لو هي سليمه صار فيها اعوجاجي
ولو هي صغيره صيّروها "بوارج"=العرض كنّه سلعةٍ بالحراجي
ويالله جنّبنا غرور البهارج=اليوم صارت في ظهور ورواجي
ونطلبك تكفينا غلو الخوارج=واجعل لنا سنة نبيك سراجي
وافتح لنا في كل عسرٍ مخارج=انت الملاذ لطالب العون راجي
دعوات من كثرت عليه المدارج=وانت الدليل وهادي الانتهاجي

صح لسانك ,,,,

اخوى
الكبير بقدره
خلف بن عتاق الفريد
تقبل الله منا ومنك إبتهلت ونسأل الله القبول
تظل تفاجىء محبيك بقصائدك الجزله كما عودتهم
صح لسانك ابا عبدالعزيزوتظل كبيراً بعيون من يحبك
تحيتي

نسال الله لك القبول

وصح لسانك ابو عبدالعزيز على هذه القصيدة

ودمت كبير وبالشعر جزل

صح بدنك ابو عبد الله
********

عنوان الشعر النبطي وعنوان التميز والابداع
عندليب المجالس صح الله السانك
على الابيات المذهبه الجميلة التي نجد من ابن عتاق
الحكمة الشعرية الرائعه

وانت ابا فيصل
تظل ذلك المعين الذي لاينضب من الحب والوفاء والشموخ ...
عندما اجد هذا المعرف الكبير اتيقن انني سوف ارى عزفا جميلا وحروفا من ذهب ...
لاعدمت هذه الانامل وهذه المشاعر ايها الكبير قدرا وحبا ....
صح لسانك ودمت لاخيك
مع تحيات محبك دوما ايها الوافي...

صح السانك
رائعة جدا
ودعوات مقولة انشاء الله
تحياتي ياخلف لك

اخي ابو وسيم

صح بدنك وسلمت يمينك ..
شرفتني بالمرور لاهنت

المشعل

وانت عنوان الوفاء والمحبه ....
سررت بالمرور وهذه الكلمات الاخويه الصادقه
وصح بدنك يالغالي
لاعدمتك