الليله الفرحه

بسم الله الرحمن الرحيم
هذه القصيده القيتها في حفل الاخ /سعود بن محمد بن حديد الفريدي الذي اقامه في قصر مرزوق بن شحاذ العود الفريدي للاحتفالات بالقواره بعد انتخابه عضوا في المجلس البلدي عن بلدته (كبد)

الليلـه الفرحـه لهـا اشـكـال والــوانمابـاقـي الا نشـعـل الـعــاب نـاريــه

كن الفراش يحـوم فـي كـل الاركـانيفـرد جناحيـنٍ لـهـا الــوان سحـريـه

ياليـلـةٍ بـيــن اللـيـالـي لـهــا شـــانيبقـى لهـا فـي صـدر الايــام مـاريـه

شفنـا بهـا كــل الجمـاعـه والاخــوانعلـى الشحـم والطـيـب والشاذلـيـه

وغيـثٍ على(كبـدي) كمـا رش هتـانارخـــى جـنــوب وحـــده النافـعـيـه

ليتـه تـعـدى يمـنـا الــذود عطـشـانعلـى الـعـدود ولا سقيـنـا المطـيـه1

وانا حضـوري ياهـل العـرف فرحـانوكـن القمـر ونجـوم الافــلاك بيـديـه

جيت ابـا اهنـي فـارس بيـن فرسـانبــن حـديـد سـعــود واقـــول حـيــه

بالعـزم اخـذهـا والتنـافـس كحـيـلانحـلـبـة سـبــاق وفـــاز راع العـبـيـه

مـن نسـل شيـخٍ يذبـح كبـار وسمـانولا يشتـكـي مــن لاذ بــه مكـرهـيـه

لـعـل ابــو فـالـح بـروضـات وجـنـانولا يـحـرمـه ربـــي شـفـاعـة نـبـيـه

ومدحي ترى مايحط من قدر الاخوانالـلـي ادوا المجـهـود روحــه وجـيــه

ولا احـد خسـر فيهـا ولا فيـه زعـلاندام الـهـدف خـدمـة وطـنــا سـويــه

ولانـي بناسـي وان تناسيـت غلـطـانالـيـا مدحـنـا سـعـود نـمــدح خـويــه

مبروك ابو تركي ولو صـرت عجـلاننـبـيــك تــحــدد لـيـلــة سـامـريــه2

وذي تجربه واللي حصل صار برهـانعـلـى الــولاء والـحــب والجـاهـزيـه

الحـب لديـن الله وشرعـه والايـمـانومـع طاعـة الراعـي وحـق الرعـيـه

الجاهـزيـه شـافـهـا بـــوش وعـنــانحـزنــا عـلــى تـقـديـر مـيــه بـمـيـه

في ظـل حكـمٍ فيـه حكمـه وميـزانونـهـج الشريـعـه للـوطـن مرجعـيـه

الله يثبتـهـم عـلـى الـحـق سـلـطـانبـأمــن وأمـــان ونـعـمـة سـرمـديـه

ولا يهمـنـا مايقـولـه فـــلان وفـــلانحـنــا نـعــرف الـطـيـبـه والــرديــه

ولازم نحـط بـداخـل القـلـب عـنـوانبخـط عـريـض وركــزوا لــي شـويـه

حب الوطن ماهو كـلام علـى لسـانولا هــو سـكـوت او قـولـة ماعـلـيـه

لازم نصيـر لمـن بغـا الشـر عــدوانوتــرى مــع الفتـنـه تضـيـع الـهـويـه

واصلاحـنـا مـاهـو بتصـنـيـع تـايــوانولا هـو مـن الغـرب المنـافـق هـديـه

اصلاحنـا خطـوه بخطـوه مـع اتـقـانمـع حرصنـا عـلـى المـبـادي حمـيـه

يـقـودنـا نـهــج الـرسـالــه وقــــرآنودستـورنـا مــن عـنــد رب الـبـريـه

وصلاة ربـي عـد مـا اهتـزت اغصـانعــلــى نــبــيٍ عــزوتــه هـاشـمـيـه

1 يشير الشاعر الى ان مرشحي المجلس من الجماعه في بريده لم يحالفهم الحظ
2 ابو تركي هو المرشح الفائز عن القواره الاخ محمدبن ناصر السعديه والذي فعلا اقام حفله كبيره وشاركت فيها بقصيده سوف ترونها قريبا انشاء الله
ومناسبة هذه القصيده الحفل الذي اقامه الاخ سعود بن محمد بن حديد الفائز عن بلدته كبدفي قصر القواره للاحتفالات

الليله الفرحه لها اشكال والوان = ماباقي الا نشعل العاب ناريه

ابو عبدالعزيز
هذي هي فرحتي بقصيدتك الجميلة ايها الرائع



وانا حضوري ياهل العرف فرحان = وكن القمر ونجوم الافلاك بيديه


وهذا البيت يعبر عن مروري على هذه الجزله


ومدحي ترى مايحط من قدر الاخوان = اللي ادوا المجهود روحه وجيه


هذا مااردت قوله ولكن قالها ابو عبدالعزيز
بمدح قصيدته من غير نقص بقصائد ربعي الاخرين والذي بيذلون الجهود لمجالسهم




ولازم نحط بداخل القلب عنوان = بخط عريض وركزوا لي شويه


العنوان هو (( صـــح لســـانـــك وإحــســــاســـك ))



وصلاة ربي عد ما اهتزت اغصان = على نبيٍ عزوته هاشميه


(( اللهم اصلي واسلم على نبينا محمد ))

وانا حضوري ياهل العرف فرحان = وكن القمر ونجوم الافلاك بيديه


(( يديه )) متجي مع (( الشاذليه)) ابداااااااااااااااااااا

ارجو ملاحظة وزن القصيدة فهي تحتاج تعديلات كثيرة يمكن الكتابة لها دور ارجو ذلك

مبدع دائما ياخلف لاكن لازم نقول كذا ويش را ي اخوي

صح لسانك يا ابو عبد العزيز

وقصيدة جزلة من شاعر جزل

أبو عبدالعزيز

صح لسانك وإعتلا شأنك

ودمت مميزاً وحاضراً في مواقف ربعك

وحضورك وحضور الشعر في محافل ربعك سمة صادقة نقية تسجل لك

تقبل مروري وشكري وتقديري

دمت بخير ومحبة

بسم الله
اخي الحبيب ابن منيديل
وانا اهدي لك القصيده كلها كما اعدك بواحدة خاصة لك لان مرورك على مشاركات اخوتك كمرور السحابة الممطرة على ارض بحاجة للماء وفقك الله ولا عدمنا هذا القلم الوهاج
اخي علي الفريدي
طالما هناك من يتذوق الشعر وينقد ويميز فهذا من نبحث عنه و نستنير بقوله، اما بخصوص جملة(بيديه) فهي للمتكلم وليس للغائب كانني اقول يدي الاثنتين، اما وجود خلل في في وزن القصيده فهذا ممكن ارجو تنبيهي اليه لتداركه!! لك شكري وحبي على المرور والملاحظات
اخي احمد
شكرا لك على الكلمات العطره ولا هنت
اخي مقبل
وهذه شهادة اعتز بها من شاعر فحل ودليل نجاحي (بالفحص) اما كون القصيده مشاركة في مناسبات ربعنا فهذا يابو نمران واجب وكنت من ضمن ربعي اللي شاركوا ايضا بما هو اجزل
لك شكري واجلالي ايها الراس المرفوع

يستاهل ابو مشاري كل خير

وانت ماقصررررررررت يابوعبدالعزيز

ننتظر قصيدتك في ابو تركي امير الشباب محمد ناصر

لكن لاتجيب طاري ( الدوار ) أنتبه ههههخ

ومشكور ابوعبدالعزيز

وقصيدتك في حفل ابو تركي طالبها انا منك من زمان بس الله يهديك الظاهر انك نسيت ... هههههاااي

بسم الله

اخوي الكريمين
الفريدي يوسف
امير العاشقين
اسعدني مروركما كما ذكرني بحاجتين
قصيدة ابو تركي
قصيدة في ابوتركي
الاولى سترونها قريبا انشاء الله
والثانيه تحت التحميص
شكرا لمروركما العطر:confused:
ولاهنتما