شيله للشاعر يرثي نفسه هوالمقدم الشاعر نمر السحيمي رحمه الله اداء مخلد السحيمي

السلام عليكم ورحمه الله وبركاته
حصريـــآ

نقدم لكم
القصيدهـ ( مرثيه ) للشاعر المقدم / نمر السحيمي الحربي - رحمه الله -


الــقــصــه

وقد قال هذه القصيده قبل وفاته
لأنه رى في المنام أن منادياً يناديه
وأنه ميت فقال هذه القصيدهـ .. وأودعها في درج مكتبه
وعندما توفي .. وعند تفتيش مكتبه وجدوها فيه
رحمه الله رحمة واسعه ... فقد عزى نفسه قبل أن
يشيعه المشيعون ..


الــقــصــيــدهــ

جاني وانا في وسط ربعي وناسي *** جاني نشلني مثل ما ينشل النـــاس
مني نشل روح تشيل المآســـــــي *** تشكي من ايام الشقى تشكي اليـاس
اثر الالم في سكره المـــوت قاسي *** ماهالني مثله وانا انسان حـــساس
جابوا كفن ابيض مقاسه مقاســــي*** ولفوا به الجسم المحنط مع الـراس
وشالوني اربع بالنعش ومتواســي *** عليه ومغطى على جسمي البـــاس
وصلوا علي وكلــــــهم في مــآسي *** ربعي ومعهم ناس من كل الاجناس
ياكيف سوا عقبنا تاج راســــــــي *** وامي الحبيبه وش سوى بها الياس
اسمع صدى صوت يهز الرواسي *** قولولها لاتلطـــم الخــد ياناس
قولولها حق وتجرعت كاســـــــي*** لاتحترق كل يبي يجرع الكـــــاس
اصبحت في قبري ولابه مواسي*** واسمع قريع نعولهم يوم تـــــنداس
من يوم قــــــفوا حل موثق لباسي*** وعلى رد الروح صوت بالاجراس
هـيكل غريب وقال ليه التــــــناسي*** صوته رهيب وخلفه اثنين حـــراس
وقف وقال ان كنــت يانـمر نـاسي *** هاذي هي اعمالك تقدم بكـــــراس
ومن هول ماشفته وقف شعر راسـي *** وانهارت اعصابي ولاارد الانـفاس


الــشـــيــلـــه

القصيدة للشاعر المقدم : نمر السحيمي الحربي - رحمه الله -
اداء المنشد المبدع : مخلد السحيمي
اعداد و إخراج : فيصل الخضراني

هنا المقطع






محدثكم : فيصل بن فهد


/

مشكوووووور والله يعطيك الف عافيه

وين الردود تراني توني مسجل معكم ولقيت شيله لي منزلها الخضراني

وين الردود ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

خلوكم حيين الليل الليل تراني حجااااااااااااازي وعجل ههههههههههههههههههههههههه

الله يوفق الجميع وربي يسعدكم

يالله تهدينا قبل يقف علينا الموت شيله حزنتني
مخلد مشاء الله حنجره كويسه قصدي صوت خطير من عادتي اسمع الشيلات ومن اول حرف اسكرها اذا كان الصوت بايخ لكن الشيله جميله
صوت والصوره يالله سيرولأمام موفقين لأبداع

تحياتنا الأخويه

الريم الله يعطيك العافيه ما قصرتي

وشهادتك تاج على راسي والله يوفقك

تحياتي لسموك

رائع يامخلد السحيمي انت صاحب صوت رائع
اتمنى لك الابداع في الشيلات الشعرية وغيرها
وشكر موصول لفيصل الخضراني

ايييييييييييييييييييييييي ييييييييه
وين جيتونا يافيصل ويا مخلد !!!!
نمر بن منور السحيمي ....
انه ليس ضابط ولا شاعر فقط بل من رجال حرب المعدودين رحمة الله عليه ...
نخوه وكرم ورجوله وطيب واخلاق ...
تشرفت بمعرفته بداية عندما كان يعمل في سجون القصيم وكان نعم الزميل والصديق ...
رحمه الله ، هذه القصه حقيقيه وهذه القصيده عبرت عما رآه في منامه ...
اشكركما اخوي الكريمين حتى لو نكأتما جراحي
لاعدمتكما