وسع لي البـال يـا سيـد طموحاتـي**ولا تغير النظره اللـي كنـت ناظرهـا..

لايطوّل سكوتـك ولا يطـول سكاتـي=ترى الدعـاوي بسيطـه ...لاتكبرهـا
خلك علـى خبـري وظنـي وهقواتـي=خابرني الضيـق والضيقـات خابرهـا
وسع لي البـال يـا سيـد طموحاتـي=ولا تغير النظره اللـي كنـت ناظرهـا
تقول حـب البشـر طـوق مساراتـي=أبك. أنـت حبـك مساراتـي يسيرهـا
إن غبت عانت عيونـي مـن معاناتـي=ذكرك يصبرنـي... وطيفـك يصبرهـا
لا يابعـد شهرتـي وأعظـم نجاحاتـي=وكل القصايد من أبسطها ليا أشهرهـا
ولا يابعـد مـن يـدور لانكسـاراتـي=شعار سبب وجـودي ضيـق خاطرهـا
أنت أجمل اللي تسجـل فـي سجلاتـي=إن جيت وين البشر.وإن رحت ما أكثرها
يا أول وآخر قصيـدي وأروع أبياتـي=محد يحـب القصايـد كثـر شاعرهـا
ما فـاق حبـي لـك إلا حبـي لذاتـي=يعنـي أحبـك محبـه مـا تصورهـا
يا أصدق مـن النشـوه فـي بداياتـي=لاقلت لي كـم بيـت وقالـوا إنشرهـا
و أغلى من الدمعه اللي كـل صدماتـي=تطلـب إيديهـا وأحجرهـا ولا أنثرهـا
وأحن منـي علـي إن شفـت زلاتـي=ألقـاك بررتهـا... وصعـب أبـررهـا
و أطهر حكاية محبـه فـي حكاياتـي=من قبـل أعيشهـا حسيتـك أطهرهـا
لا تلومنـي لابديـت أخـاف وأحاتـي=كل حاجـة غاليـه مـا ودي أخسرهـا
ولا تضـايـق إذا كـثـرت جيـاتـي=ضيعت فيك السنيـن وجيـت أدورهـا
تعـال رتبنـي ورتــب حسابـاتـي=أو تــدري... رتبـنـي وبعـثـرهـا
مو مشكله لو تصير أطـول مسافاتـي=المشكلـه لا بديـت أحسـك أقصرهـا
أكبـر عيوبـي بديتـك مـن نهاياتـي=وأكبر عيوبـك لقيـت أولـك بآخرهـا
يا مكتشف عالمـي وأقـدم حضاراتـي=حـرام كسـر الخواطـر بيـد جابرهـا
مادام تقدر على اللـي فـوق قدراتـي=لا تذخر الفزعـه اللـي قلـت ذاخرهـا
رجعني لوقتي أو رجـع لـي أوقاتـي=عاميـن تنطرنـي وعاميـن ناطرهـا
وتقبـل الـود والشـكـر وتحيـاتـي=يا ساكن الروح والـروح ومشاعرهـا
و روّق. وركّز. وحـاول تفهـم الآتـي=فكـره وتأكـد قليـل اللـي يفكـرهـا
"لو إن غيري معـك يسـوي سواتـي=قلت أنت نعمه وهـو عاجـز يقدرهـا

الشاعر : محمد جارالله السهلي

"لو إن غيري معـك يسـوي سواتـي
قلت أنت نعمه وهـو عاجـز يقدرهـا



الطرف الخجول
صح لسان السهلي وسلمت أناملك ومتصفحك
لاهنتى وأهنئك على الاختيار الموفق
تحيتي

مادام تقدر على اللـي فـوق قدراتـي
لا تذخر الفزعـه اللـي قلـت ذاخرهـا

رجعني لوقتي أو رجـع لـي أوقاتـي
عاميـن تنطرنـي وعاميـن ناطرهـا

وتقبـل الـود والشـكـر وتحيـاتـي
يا ساكن الروح والـروح ومشاعرهـا

صح لسان شاعرها
وسلم ناقلها

رجعني لوقتي أو رجـع لـي أوقاتـي
عاميـن تنطرنـي وعاميـن ناطرهـا

اختيار رائع
تسلمي الطرف الخجول

صح لسان السهلي وسلمت أناملك ومتصفحك

تسلمون جميعا"
مروركم تشرفت به