الامام تركي بن عبدالله آل سعود 0

طار الكرى عن مـوق عينـي وفـراوفزيت من نومي طرا لي طـواري

وابديت من جـاش الحشـا مـا تـدراواسهرت من حولي بكثـر الهـذاري

خَـــطٍّ لـفـانـي زاد قـلـبـي ابـحــرامـن شاكـيٍّ ضيـم النيـا والعـزاري

سر يـا قلـم واكتـب علـى مـا تـوراأزكـى سـلامٍ لبـن عمـي مـشـاري

شيـخٍ علـى درب الشجاعـة مضـرامـن لابـةٍ يــوم المـلاقـى ضــواري

يـامـا سَهـرنـا حـاكـمٍ مـــا يـطــراواليـوم دنيـا ضـاع فيـهـا افتـكـاري

أشكي لمـن يبكـي لـه الجُـود طـراضـراب هامـات العـدا مــا يــداري

يا حيف يا خطـوا الشجـاع المضـرافي مصـر مملـوكٍ لحمـر العتـاري

مـن الـزاد غـادٍ لــه سـنـامٍ وســرامن الذل شبعـانٍ مـن العـز عـاري

واشـعـاد لــو تلـبـس حـريـرٍ يـجـراومـتـوجٍ تــاج الـذهــب بـالــزراري

فدنيـاك يـا ابـن العـم هـذي مـغـراولا خيـر فـي دنيـا تـوري النـكـاري

تسقـيـك حـلـو ثــم تسقـيـك مــراولـذاتـهـا بـيــن الـبـرايـا عــــواري

أكـفـخ بجنـحـان الـسـعـد لا تـــدرافالعمـر مـا يـاقـاه كـثـر الـمـداري

مـا فـي يـد المخلـوق نـفـعٍ وضــراوما قدر الباري علـى العبـد جـاري

واسلم وسلـم لـي علـى مـن تـوراواذكر لهم حالـي ومـا كـان جـاري

إن سايـلـوا عـنـي فحـالـي تـســراقبقب شـراع العـز لـو كنـت داري

الـيـوم كــلٍّ مـــن عمـيـلـه تـبــراوحطيت الاجرب لي عميلٍ امبـاري

رمـيـت عـنـي بـرقـع الـــذّل بـــراولا خير فيمـن لا يـدوس المحـاري

نعـم الرفيـق إلـى سطـا ثُـم جــرايــودع مناعـيـر النشـامـا حـبــاري

ونزلـتـهـا غـصــبٍ بـخـيـرٍ وشـــراوجمعـت شمـلٍ بالقـرايـا و قــاري

وحصنت نجدٍ عقـب مـا هـي تطـرامصيونـةٍ عـن حـر لـفـح الـمـذاري

والشرع فيهـا قِـد مشـى واستقـراويقرا بنا درس الضحـى كـل قـاري

زال الـهـوى والـغـي عنـهـا وفـــراويقضي بهـا القاضـي بليـا مصـاري

وإن سلت عن من قال لي لا تـزرانـجـدٍ غــدت بــابٍ بـلـيـا ســـواري

ومـن أمـن الجانـي كفـا مــا تـحـراوتــازي حريـمـه بالقـرايـا وجــاري

واجهدت في طلـب العـلا ليـن قـراوطاب الكرى من لابسات الخزاري

ومن غـاص غبـات البحـر جـاب دراويحمد مصابيح السرى كـل سـاري

وأنا أحمد اللي جـاب لـي مـا تحـراوأذهـب غبـار الـذل عنـي وطـاري

والعـمـر مـــا يـــزداد مـثـقـال ذراعمر الفتى والرزق في كـفّ بـاري

وصـلاة ربـي عــد مــا خــط قــراعلى النبي ما طاف بالبيـت عـاري

مشكوووووور والله يعطيك الف عافيه

قصيده تحمل الحكمه والجزاله
تسلم على الأنتقاء
ياذعذاع الشمال

تحياتي لك

حياكم الله بارك فيكم