ماجيت أباركلك ولكن جيت باوصيك

السلام عليكم ورحمة الله وبركاته


أبد..ماجيت أباركلك ولكن جيت باوصيك
على اللي ناوي تدخل بها الليله..معذبتي

ترى لولا الظروف اللي عطتك وحدت محاكيك
قسم بالله ماتدخل عليها لو على ..رقبتي

ولكن النصيب اقوى ولاادري ويش اسوي فيك
نعم صارت..معزبتك ولاصارت..معزبتي

كذا شاءت بنا الاقدارتحرمني لجل تعطيك
كذا لازم عشان تفوز أنت..أخسر تجربتي

تراه غاليه جدا.. وتكفى ..والله يخليك
تدللها..تدلعها..تنسيها مصاحبتي

أنا من كثرماأغليهاأحس اني بديت اغليك
ولاتسال باية حق ولاوش مناسبتي

لانك لو بتسألني بتسمع شي مايرضيك
لذا ياخوي لاتسال ولاتسمع لاجوبتي

أبيك تحطهافي داخل عيونك وبين ايديك
وهي دلوعه اعتادت على كثره مداعبتي

فداعبها شوي شوي حتى تشتهي طاريك
وشاغبها الين لك تقول..بطل مشاغبتي

واذا هي مالها خلقك ولاتضحك..ولاتسليك
تحملها واسألها:ياعمري ليه عصبتي؟؟

وبالك اسمع انك يوم تضربها وهي تشكيك
مايحتاج اوريلك بفن الضرب موهبتي

صحيح انك بتملكهاومعك العقد بالتمليك
وانا عارف حدود الله ومن حقك معاقبتي

ولكن قلها المجنون وصاني وهو يعنيك
يقول انه بينتظرك ولوشيب وشيبتي

وانا مجنونها اللي مانساها وانت مايمديك
تغطي ذكرياتي في هواها وربع تجربتي

أحس اني تماديت بكلامي والغضب حاديك
ولوانك في مكاني ماتفكر بمحاسبتي

كفاك اني تركت اللياه اشغالي عشان اجيك
دخلت القاعه برجلي ولاادري ويش عاقبتي؟؟

انا ماجيت اخرب عرسك الليله واذيك
أنا جيتك عشان أخاطبك وأسمع مخاطبتي

توصى..وانتبه..واحرص عليها والله يهنيك
ترى كل الكلام اللي طلع من ضيقي وكبتي

ولكن ماقدرت اني اقوله وانت مايخفيك
اخاف اني اذا قلته تقوم وتقطع رقبتي

راقتـ ليـ فنقلتها لكم.

اجمل التحاياا
دلع

قصيده جميله
مشكووووووره والله يعطيك الف عافيه