قبل الفتاه عند الحجر الاسود

هو جبر بن سيار بن حزمي اشهر ادباء وشعراء نجد
توفي 1120 هـ وعمره يقال قد بلغ المئة عام
كان جبر في اخر ايامه فالحج لوحده يطوف بالكعبة عندما أراد
تقبيل الحجر الأسود لاحظ امرأة جميلة جداّ وتفوح منها رائحة
عجيبة تريد تقبيل الحجر وبدل أن يقبل الحجر قبل المرأة وكان
الازدحام شديداّ فصاحت عليه وشتمته قائلة : الله يعميك فقئـت عيناه
وأصابه العمى لساعته ففزع جبر من الكارثة التي حلت والعقاب
السريع من ذي الجلال والإ كرام
فقال :إني لاأشك في أن أمري سينفضح بين الحجاج وسوف يلحق
بي اللوم والازدراء أينما حللت فلما لا اقول قصيدة أهجو بها الناس
أجمعين لعلي اتخلص من لومهم وألهيهم بها عني فارسل بالقصيدة
إلى صديقه سعود ابن مانع ابن نحيط أمير حوطة سدير سنة 1110هـ

الآ فــات تـجـري والمقـاديـر صـايــره=نيشـانـهـا اجـســامٍ لـلأحــداث زايـــره
وكــــلٍ عــلــى مــادبــر الله والـفـتــى=يـظــام الـيــا قـلــت حـمـايـا عـشـايـره
فـقـل المـنـدوب الـجـواب ابـــن مـانــع=رفـيـع الـثـنـا ازكـــي تـمـيـم سـرايــره
إن عدت انسـاب العـرب فانـت فخرهـم=تمـيـمـي بـالاجــواد اطـــوال شـبـايـره
هم الـراس مـن جثمـان عمـر وغيرهـم=إلــى عنـتـت الآصــال فـهــم فـخـايـره
هـم البـأس والحـرب العـوان الـذي بـه=يبـيـن لـجـده لابــن عـــادي جـرايــره
لـفـا مـنـك مـكـتـوب وتـرثــي لـواحــظ=غــدا نـورهـا ياشمـعـة الـجـود غـايـره
فديـتـك الـلـي مــن ورا الهـنـد بالمـنـى=ورا الصيـن مقلـوع النيـا فـي جزايـره
لــك الله مــا فــي عـصـرنـا ذا شـفـيـه=مـعــا كـــل هـلـبـاج يـنـمــي تـجـايــره
غلـيـظ جـبـان عـابـس الـوجـه مـهــذر=قـلـيـل بـــه الـتـقـوى هـيــام حـفـايـره
كـثـيــر الـحـكـايـا بـالأجـاويــد راتــــع=أجـل عنـك لحـت فـي زنـودي مـرايـره
وكــل كبـيـر الـتــاج وأســـال مـطــوع=يأبـي علـى كشـف الغطـا عـن سرايـره
كـمـا الـديـك بــراق الجناحـيـن مكـحـل=يرى الطوع في شالٍ على الراس كايره
يطـالـع فــي كـتـب التسانـيـد مـعــرض=عـن الفهـم ماياعـض النفسـه نظـايـره
وشـيـوخ إلـــى فـكــرت فـيـهـا لكـنـهـا=ثعـالـب طـرفـا تفـسـد الـمـلـك جـايــره
إلـى جيـت تبغـي نفعـهـا جــاك شـرهـا=جـهــارٍ وفـيـهـم نـيــة الـخـيـر بـايــره
مفاخـرهـم فــرس وغـــرس ومـلـبـس=ومـبـاخــر يــاحــازم الــــراي ثــايــره
تـركـبــوا ظـلــم الـرعـايــا وطـبـعـهـم=يدلـك عليـه إن مـات تشـيـح بصـايـره
وبـالـنـاس جـرثــوم تـولـعـت بـغـضــه=ملاحـظـة مــن شـربـة الكـيـف طـايـره
كــذوب شـمـوخ أزهــر العـيـن وثبـتـه=ربيـب المواقـد مجـحـر فــي حضـايـره
وكــــل اعــرابـــي دنـــــوع مـكـهـلــه=خبـيـث ونفـسـه فــي امصافـيـه بـايـره
فــلا واوجـعـي مــن كــل قـطـو مسـلـط=على الجار في أخذ القضا مـن خسايـره
لـكـن رعــات المـلـك عـنــدي حقـيـقـة=تنـبـي سـجـاح بـيـن الأكـيـاس خـايـره
تمنيـت لـي فـي وسـط الأجـداث مـنـزل=أو الصيـن مقلـوع النـيـا فــي ودايــره
ولا عيشـتـي مـــع كـــل فـــدام قـريــه=عـن الضيـف كنـك بـالـلا زيــم ذايــره
وكـل أسـتـاذ يـرفـض ســروقٍ امعـتـق=علـى المكـر حـلاف عثـا فــي نحـايـره
نظـرت لـدى الحـجـر الأســود خـريـده=امطالـعـة فــي مـلــزم الـحـجـر كـايــره
تـطــوف وتسـلـتـم اليـمـانـي وكـبــرت=لهـا دمعـة خـوف اللضـا مــن سعـايـره
لـهـا عـيـن إدمـيـة شـقـا كــل عـاشــق=لقتـلـي عـلـى غـيــر الـمــلازم دايـــره
لمسـتـهـا وأولـجــت كـتـفــي بكـتـفـهـا=وفــاح عـلـى المـسـك مـــن مـاغـايـره
اسبـاب ذا صــار العـمـى لــي عقـوبـة=فكـم نظـرة صـار العـمـى فــي نظـايـره
فـانـا عـلـى مـابـي تــرا يـابــن مـانــع=وكـل فتـاّ يعطـي الـجـزا مــن مسـايـره
وصـلـي عـلـى خـيــر الـبـرايـا مـحـمـد=عـدد ماسـمـر بــرق ومـاسـار سـايـره

وسلامتكم