دون الخليج ارواح

الأرض مثل النفس تجزع وترتاب=ماتنبت إن كان السماء علّقتها
إن ما مشى بالوسم وديان وشعاب=ماتنفع الامطار لوغرقتها
ولو زان وجه الارض بزهور واعشاب=جتهاالهبوب العاتية واصفقتها
المرجلة ماهي ب/في فتل الاشناب=أهل اللحى في هالزمان حلقتها
أسمع تصاريحاً على لسان كذاب=كذبة طمع وأصحابها صدّقتها
وسط البيالة ملعقة سمّها ذاب=وأشوف ناساً حرّكوا ملعقتها
طبخة هوان وذل يطبخ بها غراب=مافيكم اللي ما يذوق مرقتها
أوراق غدر وحقد في داخل كتاب=والريح من يمّ الشمال طرقتها
العام ماخوذ(ن) من أطنابنا أطناب=واليوم بحرين السلام ورقتها
وان ما وقفنا صفّ في وجه الارهاب=البندق العوجا تثور فشقتها
وليا اتحدنا نشنق أرقاب الاحزاب=وليا اختلفنا ولّمت مشنقتها
والحّية اللي تخفي السمّ باللناب=صيداتها لاجا الظلام درقتها
دون الخليج ارواح/ واعمار/ وارقاب=للموت سكرة والنفوس عشقتها
بالمعركة تاتيك للموت خطّاب=وان عيّنت سومات موت فرقتها
أهل الخليج عيون وشيوخها أهداب=بايمانها وبحبها طوقتها
خليجنا يلبس من العزّ جلباب=بشته سهوم الحقد ما شققتها
سفينة(ن)تبحر ويحسب لها حساب=بامجادنا صعب البحور فهقتها
وان ماغدينا دونها ستر وحجاب=سود اليدين الغادرات خرقتها

الشاعر/ زياد بن حجاب ابن نحيت الحربي

صح لسان الشاعر زياد حجاب
وسلمت ودمت ايها الشهم الفريدي على نقلك ونشرك
تحيتي

ياعل اللسان اللي قصدها ما تعترض له الصواديف
وروح اخرجت حروفها ماتجيها من الدهر عواصيف

تسلم سهم تسلم على ذا النقل تسلم

قصيدة حماسية رائعه .. صح لسان الشاعر

مشكور سهم ع النقل

تسلم ياسهم

على الاختيار الجزل
تحياتي وتقديري

مشكورين اخواني

اسعدني تواجدكم ...