الشــــاعر : سليمان الهويدي الكويت

الشــــاعر : سليمان الهويدي الكويت

الزين بين من رسومه يا علي=مثل القمر غير النجوم الي معه
والخيل اعرف اصيلها من تقبلي=واعرف عفري الظبامن مدمعه
والبيض ساشع فرقهن لا تسألي=الزين يوهبه الكريم ويمنعه
الزين حلو ٍ دايــم ٍ دلــه حلي=ألذ من طش السحاب ابـمنـقـعه
والشين شين الله يعين المبتلي=ن قابلك تفرح متى الله يقلعه
وجدي على نجل العيون الاكحلي=النفس به مجبــوره ومولـعه
راعي ثمان ٍ مرهفاتٍ ذّبلــــــــي=بيض تلالأ حدر طرقة برقعه
غصّـنْ من الجنس اللطيف مكملي=الله واكبر يا جماله مــا اروعه
زينه بلا مكياج وبليّــا حلــي=زينه طبيعي ولا يستصنعه
أحلى من العفري تهايا واجملي=النور بطْخمْته وسلبةْ مفرعه
وان هج مع صيد الخلا ما يجفلي=مهو بعيد ان الجوازي تتبعه
والله ما عنك خفيه يا علي=من يوم كلمته وانا قلبي معه