امشي واردد ليتنا ماالتقينا = وش جابها عقب السنين الطويلات

عقب البطا لاقيت ظافي الجديلات=ياليتنا عقب البطا ماالتقينا
سلمت وقلت لنور عيني سلامات=وش غيرك ويش السبب ما تبينا
دنق وقال ارجوك إنه العلاقات=شي حصل ماعاد هو في يدينا
قلت السبب قال الليالي غريبات=إنه العلاقه واعتبرنا انتهينا
انا بحبل انسان ماهي دعايات=ارجوك ابعد خايف انه يجينا
طالعت فيه وهلت العين عبرات=في ساعة غصب علينا بكينا
حاولت اعبر عن هموم خفيات=بس الحكي شيفيد مهما حكينا
كتمتهن بالجوف لوهن قويات=راضي على ماصار لو مارضينا
وآخر كلامه قال لي كم كلمات=لاتسيء ضنك في غصب علينا
ولف العباه وراح وانا بحسرات=فرقاجرت من غير ذنب جنينا
وقفت اخايل غض الأنهاد لحظات=فيهن تهدم كل شي بنينا
وقمت اتذكر كل شي لنا فات=قبل ايتغير بالمحبه حدينا
ياما سهرنا بأظلم الليل ساعات=وياما طلع نور الفجر مادرينا
وياما لنا فوق المراقيب ذكرات=وعلى جبال الزور ياما رقينا
وياما تحملنا الصعوبات مرات=وياما على سود الليالي شكينا
على زمان فات جريت ونات=لو هن على ضلعان مكه تلينا
اقرا الموادع بالقصص والروايات=لاشك ماضنيت بيصير فينا
وارجع واكرر كلمة لي بسكات=ياليتنا عقب البطا ماالتقينا

الجزء الثاني

تكررت عقب البطا والتقينا=من عقب مامرن سنين طويلات
في صدفة فيها حشا مادرينا=ولاهقينا نلتقي عقب مافات
لاشك جابتها الليالي وجينا=رغم الفراق ورغم ذيك المسافات
في موقف بان التوتر علينا=لحظه تلين إبها القلوب القويات
قالت شلونك قلت ربك عوينا=الحمد لله عاضني عقب لوعات
الله رزقني في هنوف تبينا=احيت خفوق كان بعداد الأموات
هي نور عيني فرحتي والضنينا=ألقابها عن ظيقة الصدر سجات
قالت سليت وقلت عقبك سلينا =لكن عقب مالاعنا الحب مرات
قالت شلون وقلت لاتسألينا=مافات فات ولا تفيد الحسوفات
قالت تكلم قلت مهما حكينا=الدمع ماينفع عزيزاليامات
قالت نسيت وقلت لامانسينا=لكن قنعنا والقناعه من الذات
قالت أروح وقلت وش في يدينا=روحي عسى في كل خطوه سلامات
بصبر على فرقاك مهما حيينا=ولا تشوه صادق الحب زلات
قالت على ماكنت دنيا ودينا=تكرم ونكرم عن دروب رديات
قلت اسمحيلي قبل لاترحلينا=يم الديار اللي علينا بعيدات
تراي ذخر لاحدتك السنينا=اجيك مهما واجهتني صعوبات
من اليوم اخوك وغيرها ما بغينا=كلي فداك ان صار بالوقت ميلات
وتبسمت بإعجاب مدري حنينا=وتهشمت قدام عيني بعبرات
قالت فمان الله قلت انتهينا=واقفت تكلم نفسها بس بسكات
وقفت تقدير لها ثم مشينا = درب مشوه اهل القلوب العفيفات
امشي واردد ليتنا ماالتقينا = وش جابها عقب السنين الطويلات

دلـــــــــــــــــــــــ ـــــــع
الف وردة لمن كان هناااااا

يادلع هذا الدلع نفسه للطرح الجميل
أبيات في قمة روعتها بما تحمل من معانيها
ومحازنها وشوقها وتلاقيها
عافاكي مولاي
وصح لسان قايلها

مشكور ميسو على كرم مرورك يالغلا ماننحرم من طلتك الرائعه

اختي دلع
أبيات في قمة روعتها بما تحمل من معانيها
مشكوره على الطرح الرائع
تقبلي وافر التقدير

مررت منها ولي رجعه تسلمين

على الاضافه يادلع

اقتباس:
المشاركة الأصلية كتبت بواسطة النمر الارقط
اختي دلع
أبيات في قمة روعتها بما تحمل من معانيها
مشكوره على الطرح الرائع
تقبلي وافر التقدير

مشكور النمر ع المرورلاهنت

اقتباس:
المشاركة الأصلية كتبت بواسطة علي الجضعان
مررت منها ولي رجعه تسلمين


على الاضافه يادلع
تسلم بن جضعان ع المرور ونحن بأنتظار رأيك

وياما تحملنا الصعوبات مـرات وياما على سود الليالـي شكينـا
على زمان فات جريـت ونـات لوهن على ضلعان مكـه تلينـا
اقرا الموادع بالقصص والروايات لاشك ماضنيـت بيصيـر فينـا
وارجع واكرر كلمة لي بسكـات ياليتنـا عقـب البطـا ماالتقينـا

الله الله
يادلع على جمال الاختيار
وعلى الذائقة الشعريه الجزله
صح لسان شاعرها
وسلمت انامل ناقلها
دمتي مبدعه

اقتباس:
المشاركة الأصلية كتبت بواسطة ابوحمد

وياما تحملنا الصعوبات مـرات وياما على سود الليالـي شكينـا

على زمان فات جريـت ونـات لوهن على ضلعان مكـه تلينـا
اقرا الموادع بالقصص والروايات لاشك ماضنيـت بيصيـر فينـا
وارجع واكرر كلمة لي بسكـات ياليتنـا عقـب البطـا ماالتقينـا

الله الله
يادلع على جمال الاختيار
وعلى الذائقة الشعريه الجزله
صح لسان شاعرها
وسلمت انامل ناقلها
دمتي مبدعه


شكرا ابو حمد الابدااع بمرورك لاهنت