قصة وقصيدة

صة وأبيات
قصة ابهرتني بأحداثها أضحكتني

زوج وزوجته كانوا عايشين في قمه الرومانسيه والحب وكانت الزوجه مدرسه وراتبها زين
مع الإعتذار لجميع الإخوة ممن زوجاتهم مدرسات .
وهذا الزوج جاء يوم من الايام وهو طفران ..ماهنا زود دراهم الله يخلف وحصل زوجته توها مستلمه الراتب و هو اللي ينبسط و يوم طلعت من البيت . نقز للدرج اللي فيه الدراهم ..والقط سبعه الاف ريال فقط لا غير

المهم درت زوجته ..وازعلت واطلعت لبيت اهلها ونادت اخوها وتوطى ببطنه وماخلى فيه عرق صاحي والله لا يوريكم .لكن الزوج بعد ماصحى وصحصح و استصح قال هالقصيده اللي كلها شجن وعاطفه بعد ما هجرته زوجته بدون عوده

<><><><><><><><><><><><><><>



لي زوجة حبه يتــل المعــاليق ***عرسي عليها العام باول شباطي

من روحته والزاد بالبيت ماذيق *** ولا اميز العلم القوي والخراطي

بياض وجهه من بياض الغرانيق *** وخدودها ياخوي مثل الطمــاطي

والصدر يزهابه عذاب العشاشيق *** والردف زامي فوقة الخصر واطي

ومدرسه مع زين كل التخاليق *** وزود على هذا تعـرف الخياطي

وجابت رويتبها وصفـقت تصفيق *** تسـعة الاف كلهن بالمــغاطي

وصكت عليه بغرفته بالصناديق *** وغطت على صندوقهن بالبساطي

وديتها تشري قدور واباريق *** وانا انطلقت للبيت يم الشناطي

واخذت سبعةالاف معهن تلاحيق***وخليت اناالف وخمس معهن افراطي

عرفت وقالت عندك اليوم ماليق *** والله لوتربط برجلي ارباطي

وانا عرفت اني توهقت توهيق *** ياالله يارب اتهديـن الصراطي

وقالت لخوها كل شي بتوثيق *** وجاني حلال القوم راع النشاطي

ثمن ضربني ضربة تييبس الـريق *** وقام وفرشني فرشتة للــسماطي

وقام يتوطاني بليا ترافيق *** ويرجد علي ويمسحن بالبلاطي

واوجس بصدري عقب ضربه حشاريق *** قمت اتنفس عقبها من اباطي

لي تسعة ايام وانا بي تشاهيق *** عجزت اسولف كن فيني اصقاطي

براسي صعارير اسواة الزرانيق *** ومضارب بالبطن مثل المقاطي

ولا ضاق صدري قمت اجمع طوابيق *** و الى توسع قمت اجمع قــواطي

انا احمد الله بدّل الضوق بالضيق *** والهم من راسي نزل للمواطي


وســــــلامتـــــكم

ههههههههه
حتى يكون عبرة لمن يعتبر
القديره
ميس الريم
يعطيك العافيه على النشروهى بطبيعة الحال
من نسج الخيال لا أعتقد هناك زوجه تشتكي زوجها
الا إذا كان راعي سوابق (ههههههههههه) ولكن الشاعر
صاغها بقالب كوميدي وأجاد الصياغه الله لايهينك
تحيتي

والله سالفة
هههههههه
والله ما معهم حق الرجال صاحب حلال لكن من يقول للثور
قصة رائعة وابيات جميلة للغاية
شكرا لإبداعك وتألقك أختي ميس الريم

شكراً
ميس على الايراد
لاهنتيي

اقول المدرسات كارثه لا واليا بغت تأدب

زوجها قالت لخوها المهستر لك راتب

بس سو لزوجي مساج بدوي مع تدليك

بعارين عاد المهستر طفران وجاه فلوس

وهو من قبل حاقد على النسيب من الزواج

وأخته قاطعه عنه المصروف الله لايوريك

ضرب سنه بساعه

ميس شكراً على الاضافه

لا أدري يا ابو فيصل ممكن صحيح هههههه
موضوع طريف ورائع
أجمل عباراة الشكر للأخت على الموضوع

اقتباس:
المشاركة الأصلية كتبت بواسطة غازى بن عجاب أبوزوايد
ههههههههه
حتى يكون عبرة لمن يعتبر
القديره
ميس الريم
يعطيك العافيه على النشروهى بطبيعة الحال
من نسج الخيال لا أعتقد هناك زوجه تشتكي زوجها
الا إذا كان راعي سوابق (ههههههههههه) ولكن الشاعر
صاغها بقالب كوميدي وأجاد الصياغه الله لايهينك
تحيتي



أخي غازي بن عجاب
مرورك دائما متألق حتى في مساويء الواقع
لالا أستطيع قول انك تجهلها ولكن اقول
حكمة مرورك تظهر طيب ردودك
واقع المجتمع لايغطيه منظارنا الايجابي للممجتمع
باختصار فيه وفيه من تشكي زوجها عند مرتبها
ولكن لانستطيع قول إلا أسأل الله العافية
مشكور ومرورك يرغب قلمي بالكتابة تلقائيا
مقدر ومحشوم على ذا المرور
شكرا جزيلا

اقتباس:
المشاركة الأصلية كتبت بواسطة منصور الوسوس
والله سالفة
هههههههه
والله ما معهم حق الرجال صاحب حلال لكن من يقول للثور
قصة رائعة وابيات جميلة للغاية
شكرا لإبداعك وتألقك أختي ميس الريم



مشكور اخي منصور الوسوس
على هذا المرور
وسام نفتخر به
لك تقديري

اقتباس:
المشاركة الأصلية كتبت بواسطة ابوحمد
شكراً
ميس على الايراد
لاهنتيي



مشكور ابو حمد مرورك سرني
لك تقديري

اقتباس:
المشاركة الأصلية كتبت بواسطة علي الجضعان
اقول المدرسات كارثه لا واليا بغت تأدب

زوجها قالت لخوها المهستر لك راتب

بس سو لزوجي مساج بدوي مع تدليك

بعارين عاد المهستر طفران وجاه فلوس

وهو من قبل حاقد على النسيب من الزواج

وأخته قاطعه عنه المصروف الله لايوريك

ضرب سنه بساعه

ميس شكراً على الاضافه



أخي علي بن جضعان
مرورك يستفز الأقلام إلا ان تكتب
لكن جماله بتشكيله كو ميدي
امسيكين الرجال إذا هو تحت رحمة هالزوجة وأهلها
ماعد صارت زوجة بل صفقة تهديد مع عصابة مراقبه لقيمة الراتب
ههههههههه
والله ان هذه القصة افتحت باب للنقاش نحن في غنى عنه وغرابيله
مشكور ومقدر ابن جضعان