عيون الغزيّل ....... ورديه

قبل ايام وفي مكان ما على شاطيء ما وامام صخرة ما ...
كنت بصحبة مشائخ افاضل هم كل من حسب السن:
ابو فيصل غازي
ابو عمر علي
ابو عبد السلام نواف
واثناء القاء احدهم كلمة عظة في حشد مرّ امامنا طيف ما فشخصت الابصار وقل الاعتبار
وتناثرت الجرار وكنت المدرك الوحيد بينهم والاعقل فيهم ..
فقلت :

لمحت من كنّه عيون الغزيّل=يتلنه الغزلان ماهو بـ" يتلي"
يقطف زماليق الزهر بالمسيّل=ويذيّره ظله تعوّد لـ "ختلي"
قمت اتبعه كني من الوجد "عيّل"=واليا التفت تل المعاليق نتلي
ومن شدة التأثير صرت اتخيّل=كل ما سمعتلي صوت قلت صوتت لي
وصرت اتحيّن فرصةٍ واتحيّل=مع اختلاط الناس.. كان سنحت لي
قرّبت منها وقلت "يازين ميّل"=وردّت عليّ بكلمةٍ ..ما صلحت لي!!
دايم على ماقيل حظّي ..منيّل=ودنياي لو اصفي لها ماصفت لي
عزّيت نفسي في مصير"الجميّل"=وين الغرابه بين قتله وقتلي !!

القدير اخوى الكبير
خلف بن عتاق الفريد
إطلعت وصح لسانك ولي عوده
تحيتي

صح لسانك أبوعبدالعزيز ,

ولا زلت أتذكر ذلك الحشد , وصفوة المرور , ونصائحك الأبوية ,

فدمت ودامت قوافيك ..

وننتظر أبوفيصل , وعودته , وعساه ما يكشف أوراق أبوعمر .

تقبلوا تحيتي وتقديري .

قربت منها وقلت يازين ميل
وردّت علي بكلمة ((ماصلحت لي))
صح لسانك ابا عبد الزيز
قصيده غزليه فكاهيه
عوايدك دائماً الجزله
وبنأنتظار ابو فيصل

أبوعبدالعزيز ... دائما ً ما تسرح في عالم الخيال ,
فتأتي بالجواب قبل السؤال ..

والله يعين على كثير من الأسئله اللي بتجي ,

لكن صح لسانك مرة ً أخرى .. وتقبل هذه الابيات , من عالم الخيال أيضا ً :

من هاجس الافكار قمت اتخيل=تصوير ابن عتاق كبتن مظلي
خيال .. باللي وصف مثله قليل=ما شفت مثله غير توصيف خلي
ذاك الغزال اللي بفيــّة ظليل=في سوق جده عند لفــّـة مجلي
يمشي ركود ولافطن لي تميــّـل=وعندي خبر إنه بعد فاطن لي
وعنكم حسين الطول وجده بخيل=وقبل تجون بشيلته مشرلّي
ومن شافكم تمشون أصبح ثقيل=من عقب ماهو شارد ٍ مسفهلي
يا من يلومه لو يصيح وتويل=واحد يرحب فيه وواحد يهلي
وواحد بليا شعور صاغ العقيل=خلاص عفت السوق ماهو محلي
أبا تمشى يم ّبطرس جميل=ولدري وش اللي ربنا كاتب ٍ لي

ابو عبد العزيز صح لسانك
ورديه
جميله الله يعطيك العافيه على الجزله
مشكوووووور والله يعطيك الف عافيه
تقبل مروري

الله يسامحك تبي تجرهم وخصوصاً بن جضعان


له ابيات غايه بالروعه

بالأنتظار

لي عوده 000000000

اخوى
الكبير بقدره
خلف بن عتاق الفريد
يقول محمد الاحمد السديري رداً على طلال السعيد

طلال وشعلمك تعسر القوافى =هذى خطيه منك ياسكن السيف

وأنا أقول كما قال
لذلك جاء ردى بقافيه مختلفه

بشاط الرفيرا وصخرة الحب والعشاق=تحلم بن عتاق بالحب واشقانا
تحلم بن عتاق والحلم ماينطاق=وعلق على متصفحه كامل أسمانا
وأناكيف اجارى حظرت الشيخ بن عتاق=مادامي عرفت السالفه حلمن اعمانا
يبي يرجع اللي فات له وسم بالأعماق=ويبينا انغني عقب ماشابت لحانا
أنا آقول عن نفسي تعرضت للإرهاق=ويكفي يابن عتاق بالحب ماجانا
خذينا من اللى فات درسن يجب الساق=عطيناه كل اللي ملكناه ماعطانا
وجزانا عن اللى فات ياشيخنا بفراق=حفظنا عهود الحب والحب ماوفانا
لك الله ياحين الى لاحلي براق=ذكرته وقلت الزين وشلون ينسانا
نسانا وحنا مانسينا هواه وراق= له العيش بين اعداه ياشيخ واعدانا

وسلامت الجميع

صح لسان الشاعر ابو عبدالعزيز

وصراحة قصيدة رووووعة كروعة قائلها

ومن زود جمال القصيدة هي مجارات الشعراء ابو فيصل وابو عبدالسلام لهذه القصيدة

وكل وحدة المفروض تكون في صفحة مستقلة لنستمتع بهذا الشعر الجميل

صح لسان الجميع

ونحن بانتظار رد الشاعر ابو عمر على هذه القصيدة بالشعر