بيني وبين الشاعر بداح العلوي الحربي ....

هذه القصيدة قالها الشاعر / بداح بن مروي العلوي بتاريخ 19/1/1428هـ بمناسبة حفل أقامها الشيخ/لافي بن مرزوق الفريدي ، حضر له أهل الديرة والأصدقاء
أدام الله الفــرح والســرور والعمــر المديــد لأبــو ماجــــد

بسم الولي سميت سر وعلاني=إسمٍ إليا قلته تريح به البال
بأسماه نبدأ واستمع من إلساني=يا سامعن صوتي عسى أيامك أطوال
أجارك الله من صدوف الزماني=وللخير والخيره اتوفق بالأعمال
إسمع هداك الله جزل المعاني=من شايبٍ يازن كلامه إليا قال
يقول قافٍ ما يزور إبثاني=وتلعبه الورقا على الراك موال
إليا شاقها طاروق زين الأغاني=وذعذع من الغربي صبا نجد بخيال
قامت تعبّر فوق غصنٍ لياني=تذكر من التاريخ عصرٍ لها زال
كنه على عصر الشباب تحداني=تجهر إبعال الصوت من برج الإرسال
إن قلت كافي يا حمامه كفاني=جاني مثل ما جاك من بعض الأشكال
أو قلت بالأعمار فات الأواني=ما تقبل الأعذار في بعض الأحوال
أبجتهد وأقول والعمر فاني=وليه مع الشعار ماقف ومدخال
وإن كان مندوب المهمه لفاني=ولا رساله من صديقي أبجوال
كملت واجب من تكلف وجاني=والله عن التقصير ستار الأحوال
ما حدن يطول المرجله بتماني =إلا بعلمٍ يسبق القول بأفعال
واللي عطى غيري كريم وعطاني=قافٍ إليا قلته تسلى به إرجال
ولا جيت من دار المعازيب عاني=إلا بغني وألبس البشت وعقال
شريت جيب من الوكاله إعماني=ما شغله قبلي اشريطي ودلال
من سلطنة قابوس ولأبن ثاني=عليه رمز احروف بسمه وتمثال
يفز من لمس القدم ما يداني=وعساه يسلم من سهم عين نضال
وأنا أشكر اللي بختياري قداني=وليا سعلني سايل قلت حفال
قال السفر يتعبك يا مود ماني=شايب ولا تقدر مشاويرٍ إطوال
حالك ضعيفه والأجل منك داني=ولا لك أبوقت اليوم ناقه ولا عقال
صل الفريضه واعتمر برمضاني=وهلل وكبر بين مكه والأميال
أرض النبوه والشرف والأماني=يسقيه واد السيل سيله إليا سال
بين الجبال العاليه له مكاني=وتبنا مبانيها على قمه إجبال
إسعى وطوف وشوف ليلة ثماني=من أول الحجه وبنقوز شوال
خلقٍٍ كما موج البحر بالمواني=ليا شفتهم من واقع الأمر تهتال
ون كان بالركن اليماني مكاني=لا تضيع الفرصه ولا تكفح الفال
صل النفيله واستمع للأذاني=إليا كبر المذن على سنة ابلال
ترى حياتك ما عليها ضماني=وكوارث الدنيا صواعق وزلزال
والعمر ساعاته تروح أبثواني=ولا انت قمر عشرين ترجع به اهلال
رديت له من هاجسٍٍ ما عصاني=حاضر ودايم بالمهمات شغال
بسلوب عرف وتجربه بهلواني=ومن دون جرح اشعور في قدر وجلال
بعد الكلام اللي ابناره كواني=لو كان ما يقصر ابعمري ولا طال
مؤمن وربي بالرساله هداني=وبين الرجا والخوف بمجاذب إجبال
قلت أنت أظنك من زمانك تعاني=أمراض نفسيه وضيقه وغربال
ما جيت في علمٍ غريب يخفاني=ولا أنته اموفق بين شاير وعذال
أطلقت للسانك طويل العناني=وباب الرجا صكيت من دونه أقفال
ما أنت بعلم الغيب لي ترجماني=مسلم ومتحجر على راسك اضلال
سديت عن هرجك اسموع الأذاني=وملّيت من كثر النصايح والأقوال
انته إدور بالنصيحه حساني=وانته بدرب الخير ما تنفق إريال
إليا حسبت احساب عشرك ثماني=ضاقت بك الدنيا وأحبطت الأعمال
دعني أبدربي لا تدخل إبشاني=إليا قامت الساعه لها الله حلال
ليه ابقمت نجد ربع وعواني=أرغب زيارتهم وحول السنه حال
واليوم لافي لزياره دعاني=وجبت دعوة صاحبي طيب الفال
طيب وبن طيب وجدي ويماني=ونجمين بالقطبين له عمٍ وخال
أشكر وقدر صاحبٍ ما نساني =وانسى الصديق اللي نسيني ولا سال
وجينا إنشارك ربعنا بتهاني=ما حقهم مني ارساله ومرسال
أهل الطراق مشيدين المباني=ما حسبوا بالتكلفه غالي المال
جينا وطاب الكيف والجوزاني=بالهرجه الزينه ودله وفنجال
حفل تميز في جميع المعاني=وبالطيب والترحيب يضربه أمثال
وحلو النبا والهيل وزعفراني=والبن جاهز للمسايير بدلال
وعلى الصحون مفطحاتٍ سماني=لضيف والجيران وأصحاب الأعمال
وهذي عوايد حرب طول الزماني=عهدٍ على الشيبان وصوبه اعيال
عز الخوي والجار لو كان جاني=ويكفي انويشي والبلالي بالأمثال
امن الصعيد إلى سرات اقحطاني=ما مثلهم سابق ولاحق بالأجيال
هذا هو الواقع عيان وبياني=ولا ينكر الواقع بالأعراف عقال
ورجي ولي العرش وطلب عساني=بالميز والتركيز حققت الآمال
آمال منهو بالأدب له مكاني=ويقول صح اللسان من عبّر وقال
وصلوا على المختار سر وعلاني=ما غرد القمري وما واديٍ سال

وهذا ردي على ابو عادل :

بديّـت ذكـر اللـي للاكـوان بانـي=اللي على عرشـه تسـاوى ولا زال
هو صاحب التصريف في كل شانـي=فـردٍ صمـد مالـه شـريـك ولا آل
ارجيـه عفـوه عنـد زلـة لسانـي=ومنه استمد العون في كـل الاحـوال
وسر ياقلم واطلـق لحبـرك عنانـي=سطر حروفٍ مابها ضعـف وهـزال
ياراكـب الـلـي وارد البهبهـانـي=شدّ الوكالـه مـا ركـب فيـه دلال
مصـداره الرقعـي ولا بـه رهانـي=ولا به من التقسيط فلـس ولا ريـال
يلفي على اللـي عادتـه شرعبانـي=راعي هلا لروس الرجاجيـل مدهـال
دايم فـي بيتـه يركـزن الصيانـي=ولا يحط فيهن كود من غالي المـال
والعـود الازرق سامـكٍ ريهجانـي=وما وصّف القاضي يصبونها عيـال
اخوي ابـو ماجـد عزيـز المكانـي=له مع دروب المجد وسـمٍ ومنـزال
مايبور بيـن يديـك كـود الهدانـي=والاّ الكريـم يعـز ربعـه بالافعـال
نسل الشيوخ اللـي قديـم الزمانـي=ضمن مشايخ حرب سطـوه ومعـدال
كانوا على بنـي السفـر صولجانـي=آل الفريد اللي لهـم قـدر واكْمـال
منهم منيـس اللـي فعولـه بيانـي=وسالم (الجمل) شيخ ٍ له فعول واقوال
وباق الشيوخ اللـي تهـد المبانـي=سبحـان ربٍ يجـر الايـام تـدوال
عظم العرب ماهـي علـوم وتمانـي=يشهد على ما قلت تاريـخ واجيـال
بعيـال راشـد حقّنـا لـه ضمانـي=لنا المـلا ماهـي دعـاوي وتقـوال
زرتـه مسيّـر والمحبـه تفـانـي=عن المشاهد ما كفى صـوت جـوال
ويوم استاذنته من يمينـه عطانـي=ظرفٍ بـه اوراقٍ خفيفـات وثقـال
ومن الفـرح كـن البَـرَاد يغشانـي=ايقنت شيكٍ به رصيـدٍ مـن المـال
او يمكن انه مـن صكـوكٍ اثمانـي=لارضٍ بجـدّه بيـن كعكـي وجفّـال
وفتحـت ظرفـي مفعـم ٍ بالامانـي=لكـن لقيـت بضاعـةٍ حقهـا غـال
ستيـن بيـتٍ والمعانـي سمـانـي=من شاعـرٍ حـط المخـارج لمدخـال
ابيـات شعـرٍ صدقهـن احتـوانـي=قريتهن ستيـن مـره علـى امهـال
ودققت فيهن ليـن فكـري عصانـي=لوحة رسم جمالها الـوان واشكـال
شاعـر ومتمكـن بصـوغ المعانـي=يلفت نظر من يفهم الشعـر لا قـال
لكـن لقيتـه لاعــبٍ شقلبـانـي=عودٍ مهـوّل مـن معانيـه تهتـال
نـوبٍ يذوبنـي بـجـوّ ٍ ايمـانـي=ونوبٍ يرقصها علـى الفيـن مـوال
لا اقول شيـخٍ عمتـه كبْـر ابانـي=ولا اقول من عشاق ليلـى وبسكـال
بـه علـةٍ مضمونهـا مـا خفانـي=الشمس ضوّه مـا يغطـى بغربـال
قلبـه خضـر لازال فـي غيهبانـي=والروح ما تسوى مع الحـب مثقـال
والعيـن تشقـى والمفاتـن عيانـي=مابيـن خـد وقـد وعيـون وازوال
كـم مـن خريـشٍ زودنّـه جنانـي=وكم عاقلٍ في سوقهن طـب واكتـال
يابداح ما صوبـك مبطـي رمانـي=ما باقي ٍ مني سوى امزوع واسمـال
لكـن اخفّـي عـن قصـيّ ٍ ودانـي=العمر قفّـى لا متـى نصيـر جهـال
واليوم عنـدي كـل شـي ٍ سيانـي=الا رضـا المعبـود عـلام الآجـال
تبقى يابو عـادل شبيـه الحصانـي=وتسلم على ماقلت يـا طيّـب الفـال
مدحـت ومنـي تستحـق التهانـي=وحقّك على ماقلـت بالعيـن تنشـال
وخصصتها يا شوق صاف الثمانـي=وغلفتهـا عـن التفاصيـل باجمـال
والا انت تقـدر ياوسيـع البطانـي=تزيدهـا ملـحٍ ونكـهـه ومكـيـال
من لابـةٍ يلجـا لهـا كـل عانـي=لاجا نهارٍ فيـه صيحـات واجفـال
بني علـي اهـل القنـا والسنانـي=للسلـم سـاداتٍ وللحـرب شـعّـال
حمول خيـلٍ مـن دهايـا الزمانـي=ومن عالية مسـروح قـدرٍ ومنهـال
فيهم اخو حسناء عريـب المجانـي=الفـرم لا منـه غـدا الـدم شـلاّل
شيخ ٍ لمع في حرب مثـل اليمانـي=اللي علومـه كلهـا فخـر واجْـلال
وعقب عيـالٍ كالسيـوف المحانـي=محمـد وعبـد الله وتركـي وجَـلاّل
وباق الفروم اللـي تفـك العوانـي=اللي علـى كبـد المعاديـن سـلال
قلته وانـا المعبـود ربـي حبانـي=باللابه اللي كلهـا زحـول ورجـال
عيـال راشـد محتميـن الكيـانـي=اليا اعتزوا بالعـود رجفـه وزلـزال
صفاتهـم مابيـن انـسٍ وجـانـي=لا جا نهارٍ فيـه تنشـاف الاهـوال
ونحورهم تصبـغ مـن الـدم قانـي=اليا ادبر اللي خانـه العـم والخـال
لبّـاسـة ٍ للـجـوخ والجبَّخـانـي=يوم انهـا مابيـن رجلـي وخيـال
وعند اللقا مـا يرتضـون الهوانـي=لهم ثبـاتٍ فيـه تضـرب الامثـال
للضيف والجيـران ريـف وحنانـي=ومزبان من حدّوه يم اشهـب الـلال
هذا وانـا حربـي معـرّب.. ولانـي=ناسٍ مفاخر حـرب منجـم الابطـال
اهل الشرف سكان لاقـدس مكانـي=واهل الوفاء والدين ماهي بالاقـوال
واهل الشجاعـه والكـرم والبيانـي=واهل المباد الثابتـه عبـر الاجيـال
اهـدي لهـم قلـبٍ محـبٍ ليـانـي=لينه لهم ... والا على الضـد ميّـال
وصلوا عدد ما صام مـن مودمانـي=واعداد دورات القمـر بـدر وهـلال
علـى نبـي ٍ حـاز سبـع المثانـي=وخصّـه وليّـه بالنبـوه والارسـال

لاقول بعد هذا القول
اخوى الكبير بقدره
خلف بن عتاق الفريدي
صح لسان الشاعربداح بن مروي العلوي وانت لاهنت
وصح لسانك ولافض فوك وانا معجب بشعرك وشخصك لاهنت لاهنت
رد بمستوى الاسناد واثره صحيح مامع الماء مويهات
تقبل مرورى وتحيتي ورفعي عقالي إحتراماً وتقديراً

صح لسان الشاعرين
مجاره في قمة الابداع
مشكور اخيي خلف على الايراد الجميل
مشكوووووور والله يعطيك الف عافيه
تقبل مروري

صح لسان الشاعرين قصائد تحسسك

بأن الشعر مازال بخيرهذا الشعر اللي

يروي العطش ولكن ابوماجد لم يذكر

عيال العود بالأسم وهذ حز بخاطري

خلف لك مني حبة خشم شاعر المواقف

لله درك تحياتي لشخصك العزيز

ابو فيصل
صح بدنك وسلمت لاخيك ولا عليك زود ياكحيلان ...
مرورك شرف لي ولموضوعي ....
لاعدمتك

النمر الارقط

كل يوم اشعر بصدق الشعور بين ثنايا كلماتك الصادقه ومشاعرك الاخويه ...
اشكرك على جميل الثقه
لاعدمتك

ابو عمر
دائما تشوش للمعالي والمواضيع الكبيره لانك منبع الوفا والطيب ...
لي الفخر بهذه الكلمات الشامخه كشموخ شخصك الكريم
اشكرك على هذا السمو البياني ...

اما ملاحظتك فهي في محلها ولهذا قلت لابي عادل :

وخصصتها يا شوق صاف الثمانـي=وغلفتهـا عـن التفاصيـل باجمـال
والا انت تقـدر ياوسيـع البطانـي=تزيدهـا ملـحٍ ونكـهـه ومكـيـال

صح لسانك ابا عبدالعزيز
رد رائع جدا تتميز به دائما وان كنت اضم صوتي مع ابن
جضعان
لكن جاء ردك ايضاحا وبيانا والشكر موصول لبداح
العلوي على تلك المطولة الجميلة ونسال الله للجميع حسن
الختام

صح لسااان الشاعرين ......

ونعم بربعي حرب , ولا تهون قبايل العرب ,


ودامت أصداءالشاعرين ,

وكأنك تقرأ تاريخ , أو قل سيرة أبطال .



نصين شامخين بشموخ الجبال ..

صحت الألسن والأبدان على ماجاء من فصيح البيان ,


دام حضورك أبوعبدالعزيز .

وتواجدك ببديهة وفكر وقلب وهاجس ,,

شعاره ونبراسه قبيلة حرب .


تحيتي وتقديري .