رد ثناء ....... من القلب

غازي بن عجاب ابو زوايد
هذا الاسم الذي يعني لي الكثير بلا قصور بعيال راشد ...
لكن هذا الرجل يخجلني بفخامة الوفاء وصدق المحبه واستدامة التواصل ...
لايمر اسبوع الا ويتصل بي سائلا ومتطمئناً ...
وامام هذا الوفاء والصفاء لا أجد الا الكلمات ولعلها تفي .....

الحب للوافين ماهو محدّد=مثل الفضا فيه اتساع ورحابه
وانته يابو فيصل غلاك يتجدّد=مثل الربيع اللي يجدد شبابه
عساك دايم ياعزيزي مسدد=وموفقٍّ يوم المسالك تشابه
لو المزايا كل يومٍ تعدد=غطـّيت من طيبك جميع القرابه
يوم الردي لاجيت عنده مخدد=انت البشوش اللي ينومس جنابه
ولا هي غريبه وانت حرٍّ مردد=من راس عودٍ من يودّه يهابه
(عجابنا) يوم النواصي تلدد=ياحظ من ينصاه ثم اعتزا به
وراشد سنام العز من به تشدد=يحق له يفخر على كل لابه
العزوه اللي من غلاها يتبدد=وضعٍ يسبب لي خمول ورتابه

والله ونعم والف ونعم بالمادح والممدوح
قصيده رائعه من شاعر رائع الى شاعر رائع كذلك
يستاهل ابو فيصل ادام الله المحبة بينكم
تشرفت بالاطلاع عليها...
مشكور ابو عبد العزيز على القصيده الراااائعه
دمت و داااام قلمكـ المميز شعرياً
تقبل خالص تحياتي لكما

اخوى الكبير بقدره
خلف بن عتاق الفريد
ابا عبدالعزيز
اشكرك على ماورد فى قصيدتك ولقد بالغت كثيراً
وانا أدرى إن مثلك وشرواك لهم علينا حقوق وعسانا نقوم فيها
اللهم إجعلني خير مما يظنون وإغفرلي مالا يعلمون
جزاك الله خيراً أبا عبدالعزيز. أشكرك ولك تقديري
تحيتي

صح لسانك ابو عبد العزيز
يستاهل ابو فيصل
قصيده جدا رائعه
لك ودي قبل ردي

صح لسانك ابو عبدالعزيز على هذه القصيدة

وبصراحة يستاهل اخونا ابو فيصل هذا المدح

ودمت لنا وافيين وبالوجود مبدعيين

صح لسان شاعرنا القدير / خلف الفريد ..


ومعاني الوفاء تتجدد .. من جميع الأعضاء ,

ومنها هذا المثال الرائع المشرق ,

يستاهل أبوفيصل ,

ودام تواجد الجميع على كل خير ومحبه ..

تحيتي ووافر تقديري .. لك أبوعبدالعزيز .

ابوعبدالعزيز لافض فاك شاعر يجيد

المفرده الصعبه والشرد يجيد أصتيادها

صح لسانك والشاعر القدير

غازي بن عجاب ابوزوايد

مهما قلنا في حقه نكون مقصرين

هذا العملاق رجل المكارم النادره في

هذا الزمان الذي يندر أمثاله

يستاهل يستاهل يستاهل

والله يديم الوفاء والفريد دائم وافي

لكم أجل تقديري

لو الوفا للناس نوب يتودد=كان صار" لبن مطيع" زاد وشرابه
ولو المحبه من صفاها تمدد="النمر الارقط "خاط منها ثيابه
ولو الرجوله جادلٍ ثم تكدد="ببو وسيم" تهيم حب وصبابه
ولو الفخر على مكان يتردد=دايم على "نواف "نوّخ ركابه
ولوالنقا دايم بثقله يندد=شاله "ابن جضعان" داخل جرابه

ماشاء الله عليك شاعر المجالس
حاضر بالرد والوصف والمدح
راقت ليـ قصائدك

يستاهل ابو فيصل كل خير
ونت وفي ولوفاء لهل الوفاء
دمت بصحة يابا عبد العزيز