تذكار ياذيك السواليف تذكار

تجرني الخطوة على دروب الاسفار=تعصف بي رياح الدهر والنوايب
هذي تصاريف الليالي والاقدار=تمسي غريب وتبتعد عن حبايب
وحيد حار الدرب في وجهتي حار=غريب وضروف الليالي غرايب
ياليل مالي في دجا ظلمتك نار=أضوي بها درب مشته الركايب
دارت رحا الفرقا ودار الزمن دار=وسوت بي احداث الزمان العجايب
يا رحلة الغربة غدى العمر مشوار=أستسمحك يادرب لوعدت خايب
مليت من ضوضا المدينه والأنوار=وفوضى الشوارع والسفر والحقايب
زرعت في صدري من همومي اشجار=واسقيتها بدموع عيني صبايب
وتعبت أدور لي عذر مالي أعذار=ماكنت انا مخطي ولا كنت صايب
أسامر نجوم الليالي بالأسحار=وحيد حتى البدر ياليل غايب
ما ينشرح صدري ألاعلى شبة النار=في خبت أجرد كل مافيه هايب
جلسة سمر مع دندنة عود وأوتار=وتمر حولي ساريات السحايب
وأغصان تترنح تقل فيهم اسكار=مثل الذهب لون الغصون الذهايب
تذكار ياذيك السواليف تذكار=لا من ذكرتك عود القلب ذايب
في ذمتك يا قلب ما اشتقت للدار=ويا عين ما اشتقتي لشوف الحبايب
يا صاحبي في داخلي سور ينهار=ان مرت الذكرى مرور الهبايب
ياهيبة الذكرى على قلب مغوار=لا تشعليلي خوف ماني بهايب
أدري همومي جم وذنوبي اكثار=وأدري على مثلي تنوب النوايب

.............................
أحلى ملطووووووووش
اتمنى يعجبكم
دلوعه

اختي
دلع حرب
اعجبني الملطوش وسلم اللاطش على مالطش
تحيتي

اقتباس:
المشاركة الأصلية كتبت بواسطة غازى بن عجاب أبوزوايد
اختي
دلع حرب
اعجبني الملطوش وسلم اللاطش على مالطش

تحيتي

اهم شي تعجبك لطشتي
لان والله انزل بشويش خايفه من الرد هههههه
لكن الحمدلله جت سليمةهالمره
الف وردة لمرورك

صح لسان الشاعر
مشكوره اختي دلع على الاضافه الرائعه
لكي مني وافر التقدير

اقتباس:
المشاركة الأصلية كتبت بواسطة النمر الارقط
صح لسان الشاعر
مشكوره اختي دلع على الاضافه الرائعه

لكي مني وافر التقدير
كل الشكر لك النمر على المرور

أختيار راق لي وهذا دليل على ذوقك قصيده تستاهل القراءه بس ملطوش قشراء ليتك كتبتي أسم الشاعر شكر لك على المجهود الرائع في جميع الاقسام رغم قصرمدة أنضمامك هلابك

علي والله شهادة بألف شهادة
اعتز وافتخر بها ,,

((قشراء ليتك كتبتي أسم الشاعر))اقول وش قشراء عسى ماهي ,,كليمة,, جدتي الي دايم تقوله لي
والا مدح بطريقة غير مباشرة,,,
الف وردة لمرورك الرائع

اختي دلع
مشكورة على هذه الاضافة الرونقية ذي الورود الزهريه
التي لايطرحها إلا سواك
تقبلي اعجابي بها

اقتباس:
المشاركة الأصلية كتبت بواسطة ميس الريم
اختي دلع
مشكورة على هذه الاضافة الرونقية ذي الورود الزهريه
التي لايطرحها إلا سواك
تقبلي اعجابي بها

اختي ميسو كل الشكر ع المرورالعذب والكلام السكر ياسكر