ماجور ,, يا أبوعبدالعزبز .

لك الحمد يارب العالمين على أن جعلت أفراحنا تتوالى , ففي كل يوم :
يعود لنا أب أو أخ أو ابن عم ,
من بعد غياب , تتوارد معه الأفكار , فلا أحد يعلم ما تخفيه صفحات الغيب ,
ومن ثم ّ تتكشف هذه الصفحات , بعودتهم وسلامتهم , وسعادتنا جميعا ً .
وها هو أبوعبدالعزيز , يعود اليوم من بعد سفره إلى المدينة المنورة فــــ

في كل يوم يزيد عيد الفرح عيد=نعمه من المولى وتوفيق وإكرام
ألزمت نفسي في جديد الاناشيد=ثم اعلنيها يا قنوات الاعلام
ماهو بلا حصري ولا هو بتحديد=يبقى مع العالم على مر الاعوام
علم ٍ من اول وقتنا فيه توكيد=مع الرجال أهل المعرفه والافهام
قدر الخوي دايم يبي عهد تجديد=عبر الليالي يا جديدات الايام
خص ٍ ليا منه خطا درب وبعيد=وعلى المسافه سج ّ به خطو الاقدام
يم ّ المدينه راح مع نايد البيد=ومن يوم راح وخافق العين مانام
مع هاجس الفكره يجي زود تأييد=في بال من فكره بجو الفضا حام
ومن زود همه ردد القول ترديد=يالله تبدد كل الاريا والاوهام
في جيّة اللي عقبوه الصناديد=عظم العرب سلم الرجوله والاسلام
بشاير وصوله مزون الرواعيد=وبل ٍ تشتت به ضواغيث الاحلام
وعلى اختصار القول من دون تصعيد=الحمد لله .. عد ما صام صوام

الحمد الله على السلامة ابا عبد العزيز
صح السان شاعرنا القدير نواف فارع الفريدي
على القصيدة التي تدل على شعورة الطيب التجاة شاعرنا والأب العزيز خلف بن عتاق
الله يديم بينكم المحبة والأخوة وهذا ليس بمستغرب على ابناء ورجال الفردة
تقبل مروري ابا عبد السلام عساك دوم في الوجود

ابن العم صح لسانك وعلأ شانك

قصيده رائعه من روائعك

ويستاهل ابوعبدالعزيز وحمداً

على السلامه ولا أخفيك علماً بأن

ابوعبدالعزيز سافر للمدينه وأتم الملكه

والزواج في 27-6-1432هجريه

وأحتمال يكون بقصر الثرياء ببريده حسب ماسمعت

وهذا الخبر أسرني كثيراً ويستاهل العانيه

وقعود أعلنها وعسى الله يوفقه

ويجعلها فال خير عليه

من قده جيب جديد ومرأه جديده

يستاهل وعيني عليه بارده

ابوعبدالسلام شفت أني أجيب أخبار

وأنت آخر من يعلم سجل مروري وتقديري

هلا هلا عدة ملايين وازيد=وعد النجوم وعد تحريك الاقلام
وما ردد الطلاب حلو الاناشيد=بسلامة العوده لبو متعب قيام
بالطيب اللي من كبار المسانيد=وفي حزّة الشده وفيٍّ ليا قام
نواف بن فارع به اقول واشيد=نبع الوفا والطيب من روس الاعلام
مانفقدك يابن الرجال الاجاويد=واقبل من الاعماق تحية الاسلام
وابو عمر هوايته بس تنكيد=يبي يوردني ورا عرق لزام
خذ لي من الفتان حقي بتوكيد=بابيات شعرٍ يقلعنه يم الشام

في جية اللي عقبوه الصناديد
عظم العرب سلم الرجوله والاسلام
ابوعبد السلام
صح لسانك وعلا شانك
دائماً ماتتحفنا بالقصايد الجزله
لاهنت
وحمداً لله على عودة ابا عبدالعزيز
ويستاهل وزياده

خــذ لــي مــن الفـتـان حـقـي بتـوكـيـد

بـابـيـات شـعــرٍ يقـلـعـنـه يــــم الــشــام

لو قلت

بـابـيـات شـعــرٍ يقـلـعـنـها الى الشام

أفضل للأستقامه وغيرك معلم وش راي غازي ابو زوايد

لتحكيم

بابيات شعرٍيقلعنه ورى الشام

كلكم شعار والبيت حاكره ابا عبدالعزيز وانت والله

انك المقرود تبي تورطني مع اخوى العود لكن العين ماتعلا على الحاجب

صحت الالسن وسلمت القلوب

نواف فارع رحب وهذى عادته العلم الغانم

والفريد رد رد يطلق وجهه والجزل عادته

وانا وياك يابن جضعان
تنقد القصيد لاحول ولاقوة الابالله
للجميع تحيتي

أبوصالح .
أبوعمر .
أبوعبدالعزيز .
أبوحمد .
أبوفيصل .

أدام الله بين الجميع أواصر المحبة والاخوة ..

وأشكركم لكم المرور الذي أنار فضاءات المتصفح .

وتقبلوا فائق التحية وخالص الاحترام .

نواف وابوعبدالعزيز
صحت ألسنتكم على هذه الجزاله في نظم هذه الدرر الثمينه
نواف شكراً على هذا الشعور الجميل اتجاه استاذ الجميع /خلف الفريد
بصراحه يستاهل ابوعبدالعزيز وأمثاله ..

تقبل مروري

أخوي الشاعر /ا بن رضيمان ..

صح بدنك .. ولاهنت يالغالي ..


ودام حضورك الرائع الجميل .


تحيتي وتقديري .