ياصاحبى دونك عدوٍ ليا جيت

ياصاحبى دونك عدوٍ ليا جيت=يلبس على البغض لبسة عباته
اقفى الى شكيت وابعد الى اقفيت=ابغى لعل السو تمرح وشاته
ابعاد حوم دون حذف ومشاخيت=والا فلا قلب سلى عن شفاته
اليا توسع خاطرى واسفهليت=وتبعت هويات القدم وشهواته
اما سمعت وشفت والا تحريت=فتق بقلبى فزته والتفاته
خفيت ما يطرى ليالى ولا ابديت=جا هاجسٍ ما بين وده وهاته
بي ولعة الصقار عدى وتصاويت=والا رضيع الديد يذكر لباته
ورعٍ صغير وراحت امه عن البيت=مصطوم ملطوم قليلٍ سكاته
ما غير هرجه من فواده تناهيت=تنهت المضيوم عند شرهاته
قالوا جهلت وقلت بالجهل قريت=الجاهل اللى ما تذكر طراته
كم ليلةٍ جا لى على ما تمنيت=الله يجهر لايمي بجهراته
عساه مايوحى يقع يوحى الميت=وابكم صديقك ما يسوى سواته
يلومني خبلٍ هروجه سفاريت=ما ذاق طربات الهوى وسفهاته
انا الذى لو قالوا الناس سجيت=ما اسج لين القبر تركز حصاته
كل النهار معبر المشى خريت=والليل كله نسهره ما نباته
كني خلو ج تنهض الصوت وتهيت=وحوارها الراعى تعشى شواته
لو صكه اللحاق واستحلق بخيت=تنكس عليهم لين تاصل مماته
كنه ينقزها عن الرعى عفريت=والشرب منه تنقزه من صراته

عبدالله حمود ابن سبيل

اخوي
سهم الفريدي
الف شكر على الايراد الجزل
لاهنت

أخي القدير / سهم الفريدي ..


تتميز دائما ً بروعة الاختيارات والمواضيع الراقية ..

قصيدة معبرة , بمعان ٍ أجمل .

تحيتي ووافر تقديري .

تسلم اخي ســهم ......

سلمت ايها الشهم الفريدي
دائماً شهما بماتنقل وتنشر بارك الله فيك
تحيتي

مشكور ين اخواني تواجدكم اناار متصفحي

واسعدني حضوركم الر ئع ..