الطيب .. آداريه / واللاش.. احقـره

لاعتني الدنيـا وجربـت السنيـن=وانا احمد الله عـن غثاهـا واشكـره
اطوي همومي وسط قلبي واستعيـن=الطيب آداريه واللاش احقـره
ما دامني مركي على الضلع المتيـن=اللي يبـي فرقـاي محـدٍ يجبـره
تعبت من ذااا اللي بجرحـه يستهيـن=وانااا اتدارى كل جرح (ن)واستره
حشمـت غلطاتـه لعيـن الطيبيـن=وهو يزيد الجـرح بالجـرح اشكـره
يمدلي يسرآه وامد آليميـــــن=يامهول الذنب العظيـــم ومكبـــره
قسـم قسـم بالله رب العالميـن=ما يوجع الصاحـب ولا هـو يقهـره
إلا الرفيق اللي قطع عـرق الوتيـن=اتلى العهد به فـي يمينـه يبتـره
شيضيق بالرجال يا العـذر السميـن=مهما عذرته فالزمـن مـا يعـذره
يا هل النفوس الضايقـه لا تستحيـن=ما تاقف الدنيا علـى ( سبـة مـره )
اللي خطـا مـره فحـده مرتيـن=والعفو مهمـا كـان عنـد المقـدره
ومن طاح من عيني ترى ماني بحزين=( البعد من بعض المخاليـق خيـره )

الشاعر حمد البريدي المرى

اخوى
سهم الفريدي
صح لسان الشاعر حمد البريدي المرى
وسلم المتصفح وصاحبه
تحيتي

الله يعطيك العافيه وصح لسان القايل وتسلم يمينك على النقل الرائع

مشكورين اخوني

اسعدني تواجدكم ...

بالجزال سهمك يصيب

يعطيك العافيه ياسهم على الأنتقاء

تحياتي وتقديري لك

قــســم قــســم بالله رب العـالـمـيـن=مــا يـوجـع الصـاحـب ولا هــو يـقـهـره

إلا الرفيـق اللـي قطـع عــرق الوتـيـن=اتلـى العـهـد بــه فــي يميـنـه يبـتـره

قمة الاختيار والتميز دائماً هو عنوانك ذائقه شعرية لايختلف عليها اثنان
تقبل مروري لك

مشكورين اخواني

اسعدني تواجدكم ...