اسناد بن مياس ورد بن عبلان

هذي قصيده جديدة الشاعر نايف مياس اسندها الى الشاعر عبدالعزيز العبلان ورد الشاعر عبد العزيز عليها
نبدأ بقصيدة الشاعر نايف شليويح

الا يا ابو مهره صاب قلبي ثلاث سهوم=سهـوم المنايـا معلـنـاتِ تكاتفـهـا
جميع الجمال بصاحبِ لي لقيته كـوم=خشوفِ تفرد زولهـا عـن ولا يفهـا
ضربني سهم زودِعلى ضربته مسموم=سطا بالضلوع ودمر الحـال واتلفهـا
سهم عينه اللي تقل حرِ يصر الحـوم=يداور عيونه باطـرف الغيـم شايفهـا
اذا كان صاحي كن عينه عليها النـوم=نسيم الصبا لاهـب تتعـب ويطرفهـا
وثاني سهم مسموم من جسمه المبروم=شبيه الغصون المايله فـي نغظرفهـا
وثالث سهم قرب لي الموت للحلقـوم=خدوده ثمار اليوسفـي يـوم نقطفهـا
وعنقه كما الغرنوق ما يشبـه الفيـوم=وجمر الغضا لمحة طبيعـة شفايفهـا
ان كان بين الناس معطى فا انا محروم=متى يازمن تعرف حقوقـي وتنصفهـا
ياليت داري عـن ديـاره ورى زلـوم=ماجيت في وجهة ديـاره ولا اعرفهـا
قصة هوانـا درس ومولفـه مضلـوم=لعل الـوزاره تعلنـه مـن معارفهـا

نايف بن مياس الفريدي
،،،،،،،،،،،،،،،،،،،،
رد الشاعر عبد العزيز العبلان

يابحر الهوا نايف هقابك عساه إيعوم=مجاديف نايف جعل موجك ماينسفها
تلاطم به امواجك ولا ينصفه مقسـوم=على عكس مجدافه تهبهب عواصفها
يرده قدر ماهو ردين ضعيف اعزوم=والاقدار في قدرة إلآهـن مصرفهـا
ولاهو على درك يابحر الهوا ملزوم=ولكـن بيكملـه مشاويـر ناصفهـا
يعدد علل حاله ولحدن خلق معصوم=وبعض العلل دايم تصادف مواصفها
سهامه وسط صدره تبين ثلاث اوسوم=وحاله على ماحـل بـه مايحسفهـا
غدا صدره معزب وهمه لفا معـزوم=مشاعره في ماجوب ضيفـه مكلفهـا
ولاهو مثل خبلن هوا ماثنـاه اللـوم=ورايه جميع اريـا عذولـه يخالفهـا
بدربه على سامر نجومه سرا منجوم=تغره نجومن تبهـره فـي تلاصفهـا
حقوق الهواوي بالهوا عدلها مهضوم=عسا تبهج الدنيـا ظميـرٍ معاسفهـا
لامات الزهر باكر يعله حقاق اوسوم=وتزهالك اثماره وتزهـر وتقطفهـا
عبد العزيز العبلان

سجل مروري ومساجله رائعه

تسلم على النقل يامشعل مطيع

انت العمود الفقري للمنتدى

صح السان الشعراء وصح بدنك على النقل
تقبل مروري لك

تسلم على النقل يامشعل مطيع
دمت بود

صح الله ابدانكم على المرور الرائع
بنيابه عن الشعراء