قالت بـدو قلت العفو بدو و احـــرار=اجواد وطيب النفــس فيــنا طبيعـــه
نمـــوت مانرضى المهانه ولا العــــار=نمشي بحكم الله وحكم الشريعـــه
للمرجله نسعى ومن يومنا صغـــــار=صدورنا للضــيـــق والـهم وسيعـــــه
رجّالنا يابنــت لا صــــاار ما صــــــاار=لامـــن نخـــوه يفــوع عمره يبيعــه
ورجّالكم يفـــــز قلــبـــه من الفـــــار=ناعــــم وفيه من الصـفــات الوضـيـعـه
ماتفــــرقه عن خيّـــتـــه شكل وافكار=اللبس واحــد والمشي فيه ميعــــه
العــقـد بأعناقه وبـيــديــنــه سواار=يتبع تفاهــــــات اليهود الشنيعــــــه
يتبع مظاهــــر من تعـالـيــم كـفـــار=قطيعه من بعض المظاهر قطيعـــه
حنا بدو حنا هــل الطيب والكـــــــار=نتفــــل بوجــه ابليس لا ما نطيعــــه
البدو يابنت الحظر عز واحــــــــرار=اجواد وطيب النفس فيهم طبيعــــه
وانا بـــــدوي سعادتي بشبة النــار=جــوّي فـيــافــي زاد فيــها ربيعــه
مانطـرد الدنيا على ربــــع دينـــار=سهم الحياة برخص والله نـبيعـــه
يابنت انا فكري بجنات وانهــــــاار=خايف ومتحسب لحفره مريعـــــه
يابنت انا مااكتب ولا ابدع بالاشعار=بس الخطا يحدني ما استطيعـــه
فكرك غلط وانا بصحح هالافكار=بعلم امثـــالك ترانــا نــلــيـعـــه
نصيحتي من نار لا تحرث النـــــار=ترى اشتعال النار فيني سريعه
قالت بدو قلت العفو بدو وحرار 
رد: قالت بدو قلت العفو بدو وحرار 
العرض العادي
