عن معمر كل ما قالـه ملكنـا فـي مصـر=أكدتـه احـداث بنغـازي لكـل المسلميـن

عن معمر كل ما قالـه ملكنـا فـي مصـر=أكدتـه احـداث بنغـازي لكـل المسلميـن
ما فعل حسني مبارك من خرابٍ فـي شهـر=حضرة العاهـل معمّـر نفّـذه فـي ليلتيـن
أين أوباما؟ وحطوا تحـت هالجملـه سطـر=انتقد حسني وعن عورة معمر غـض عيـن
ليش ينقد ذا وعن ذا ما تقـل عنـده خبـر=ايه هذا هو سؤالي ؟ وافهمـوا يـا فاهميـن
نقد ذا والصمت عن ذا مسألـة فيهـا نظـر=مالها تفسير عندي غير حاجـة مـن ثنيـن
حسب منطقهم بخاطبهـم نفـر يسـأل نفـر= قرب الساحر لتحرير الحسن رأس الحسيـن
في الامر شيء غير واضح صدقوني يا بشـر=مزقوا ثوب الجهالة واقـروا التاريـخ زيـن
وهي إن أكثر زعامات الـدول هـذي صـور=خص هاللي ينعتون اسلوب بوش بالمشيـن
مثلـوا لشعوبهـم دور المسيـح المنتـظـر=اتقنوا دور البطولـه فـي عيـون العالميـن
مثل بشـار الأسـد واحمـد نجـاد وجعفـر=والأخ القائد معمـر غيـر باقـي المرجفيـن
بل أشك إن كلّ ما يلقون فـي كـلْ مؤتمـر=في انتقاد سياسة امريكا على طول السنيـن
جاء بأمرٍ من مريكا نفسهـا! وامحـق أمـر=ا تقول شلون ؟ هذي فلسفة تبغـى فطيـن
اسمها(وش لون تضمن أن وضعـك مستقـر=مع أهالـي كـل أرض تغتصبهـا باليديـن)
من أجل تقريـب فكرتهـا لكـم بالمختصـر=باعتبر نفسي أنـا المحتـل وانتـم خانعيـن
من أجل أن لا تروا من قبضتي يومـاً مفـر=أو يجي منكـم عليكـم قائـدٌ شهـم أميـن
ثم أفاجى فيه يدعوكـم إلـى الثـورة فجـر=ثم ألقى نفسي مـع الوقـت بـرا الجنتيـن
اصنع القائـد أنـا واصـوره مغـوار حـر=امركم بإيديـه وامـره فـي يـدي الاثنتيـن
كل ما ذليـت منكـم قلـت لـه للخلـف در=رح أمام جموع شعبك سبنـي فـي كلمتيـن
وبكذا اضمن ما يجيني من جهتكـم أي شـر=لاني ارضيت الغرور اللي بكم يـا ساذجيـن
لا يزال اخذ اليهودي هضبة الجـولان سـر=ما عرفنا موقعه في جملـة الإعـراب ويـن
ودي اسأل بس كيف احتلت الهضبه عصـر=كيف ما ثارت ولا طلقه واهلهـا حاضريـن
أيش؟ قال ادعم فلسطين انثبـر بـس انثبـر=ما دعمت آهلك حتى تدعـم آهالـي جنيـن
يـا لأجسـادٍ تهـاوت كهشيـم المحتضـر=بشر القاتل بالقتـل ولـو مـن بعـد حيـن
هندسة زرع الفتن بيـن القبائـل يـا غجـر=انكشف جلبابها عن وجـه شيطـانٍ لعيـن
دنت الساعـة يـا عمّـار وانشـق القمـر=البـرا مـردود والعربـون زيـن العابديـن
زمرةٍ ترقص على حمر الجثث رقصـة نـور=زمرةٍ من طاح منهـم فـي لعنـة الوالديـن
ها همُ قـد أصبحـوا أعجـاز نخـلٍ منقعـر=شعلة التغييـر توقدهـا جبـاه المخلصيـن
يا شعوبٍ أنشـزت مثـل الجـراد المنتشـر=شوة التغيير قـد تعمـي عقـول الجاهليـن
أربعة أشيـاء لا يمكـن ولـو حـج البقـر=أن أصدقها وتكذيبي بها جـاء عـن يقيـن
أربعة أشياء لي في وضعهـا وجهـة نظـر=لإن بعض الظن زين إن كان بعض الظن شين
لا تصـدق إن إيـرانٍ وحفـنـة يـزدجـر=في خلاف مع مريكـا لـو تلاقـوا فرقتيـن
ولا تصدق إن حـزب الـلات عبّـاد الحجـر=في خلاف مع بني صهيون والخافي بـيبيـن
لا تصدق إن معمّـر غيرهـم والحـق مـر=صورة ما تختلف عـن هالثنيـن السابقيـن
وما على صهيون من بشار بن حافظ خطـر=اطقع شوي واسألوا سكنى حماة الصامديـن
لوّ منهم خوف راحوا روحـة المـلا عمـر=حركوا حلف الشمال الاطلسي فـي لحظتيـن
الهرم ماسون وصل المستوى الثالث عشـر=والعرب في قمقم الجهـل المركـب قابعيـن
هيكـلٍ فرسانـه الرهبـان شيطانـه حضـر=مسرحية خطها (آشـر) ونفذهـا (كوهيـن)
رؤيتي كوّنتها بسمـي وانـا شاعـر مضـر=من بعد كم عام في تحليـل واقعنـا الحزيـن
يمكـر الأعـداء فـي تفتييـت أمتنـا مكـر=ويمكـر اللهُ بهـم واللهُ خـيـر الماكـريـن

ناصر الفراعنه

صح لسان الفراعنة ، وصدق والله

كل الشكر لك شاعرنا / عبدالعزيز ،،

اختيار جميل

بعد أذنك شاعرنا ومراقبنا / عبدالعزيز ،،

وجدت القصيدة صوتية بأسم الشاعر ،،

مشكوووووور والله يعطيك الف عافيه

مشكور عبدالعزيز على النقل ولاكن مع احترامي للفراعنه الا انها يفترض ان لا تعرض بمنتدانا لانها كلها خرابيط وكذلك الفاضها فيها خروج

فهد الطميشاء
يعطيك الف عافيه على الأضافه
ومرورك المشرف

يعافيك يالنمر على المرور

اقتباس:
المشاركة الأصلية كتبت بواسطة نايف بن مياس..
مشكور عبدالعزيز على النقل ولاكن مع احترامي للفراعنه الا انها يفترض ان لا تعرض بمنتدانا لانها كلها خرابيط وكذلك الفاضها فيها خروج


وجهة نظر احترمها

وبالنسبه للقصيده تحكي مايواكب الأحداث الجاريه

تحياتي لك

اخوى
عبدالعزيز العبلان
صح لسان الشاعر ناصر الفراعنه
ولاهنت على الاضافه الجميله
تحيتي

بكل اسف
هذا الواقع الحقيقي
صح لسان الشاعر ناصر الفراعنه
ولاهنت