البذالي والرشيدي

23-02-11, 06:21 PM

كان عند الشاعر مرشد البذال مناسبه
وعزم الشاعر مسعود الرشيدي والشاعر مسعود

جايبله صديقن له من اهل الزلفى هديه عباره عن حذاء

شرقيه ولبسها فجاء للعشاء لكن المفاجأه إنه بعد العشاء

لم يجد نعاله فأخذ يلوم مرشد بالأبيات التاليه

سيرت بنعولي وعودت مسروق=وانا بدار منزح الضد وان عال
نعولي اللي لي بملبوسها شوق=جتني من الزلفي حشا ماله مثال
ناس(ن) تسير للدواوين للبوق=رصاصة المجلس خبيثين الاعمال
الله لا يثرى ثرى كل مطفوق=داخله خبيث وظاهره ما له امثال
ما كل من تبدى له العلم ما ثوق=الا انت يا اللي للصعيبات حلال
انا احسب اني يوم سيرت مرفوق=وان الرفق يمنك من كل عيال
يا بو عبيد لي مشاريه وحقوق=والحق له عند الاجاويد مدخال
اللي يفك من الطلب كل ما سوق=شرواك يا مرشد بلا شك وجدال

رد مرشد البذال

البارحة جاني من الربع منطوق=وانا بما شكوا به الربع حمال
يقول ابن سيحان مافيه مفهوق=حقي ثبت عندك وشف كيف تحتال
ضاعت نعاله واستوي غير مخلوق=بغي يقول الشك فينا ولا قال
يا بن سند ماني بحذاك مشبوق=اللي غدت ما بين عاقل وجهال
حنا بديوان مثل هيضة السوق=ديواننا للربع شرواك مدهال
ولاني بحط نعالكم وسط صندوق=من قام قلت حذاك يا طيب الفال
ولا لي على ظلم المساير طاروق=اقول ردوا عندنا بوقة انعال
عندي لهم نفس(ن) تحفظ عن الموق=وطرايف يطرب لها ضايق البال
وان كان دش مع الشريفين زاروق=يترك بحشمة طيب الجد و الخال
دنياك هذي كلها ما لها ذوق=الا سوالفها جديدات واسمال
لايستوي قلبك من الهم محروق=ما فات خله واطلب الله بالاقبال
دنياك هذي بين دارق ومدروق=يا اللى غدت لك نعل واصبحت مهتال
اصبر مثل غيرك تري الحي مرزوق=قبل امس بالمسجد غدا بشت رجال
لو اعرف ان العلم ما هوب مطروق=وانك معيز وما معك قرش وريال
والله لعوضك واجعل الطاق مطبوق=واني لاطرش لي على نجد جمال
لاشك انا ظنك بها لفكر محقوق=ان كان قصدك بس تكوين الامثال
تراك في هالمزح يا رجل مسبوق=هذا التحجج بين الاصحاب لا زال

ارجو أن تنال إعجابكم