ياشينها لا صرت مغرم وزعلان

مشكله لاصرت معجب وخجلان=خوف المصارح لا يجيب المطمه
اخاف اصارح بالغلا ذاك الانسان=ثم ينقلب جو المصارح مذمه
وياشينها لاصرت مغرم وزعلان=محد يراضي قلبك ومحدٍ يمه
وان رحت محد قال وين يفلان=روحتك مع جيتك ماهي مهمه
وياشينها لا صرت عايش بحرمان=مثل اليتيم اللي فقد شوف امه
ماخوذ حقه وانظلم شوف الاعيان=واللي ظلموه عيال لحمه ودمه
وياشين صاحب دربك لاصار ثعبان=لاهو تركك ولانفث فيك سمه
كنا اخويا ونتسمى بالاخوان=واليوم اسمه باخبث الناس سمه
وياشينها لاصرت ناجح وندمان=وصلت قمه وغيرك باعلى قمه
مثل الامام العالم بفقه الاديان=يومه نجح والكل صارو اامه
وياشينها لاصرت تايه وحيران=وسط الطريق وباقيٍ فيك همه
ودك تروح وباقي الدرب ما بان=تخاف تمشي ثم تغشاك غمه
وياشينها لاصرت مبلي ومنهان=والعلم كله من اكاذيب نمه
مافيه ضدك لا دليل ولابرهان=ودخان نارك مستحيلٍ تشمه
وياشينها لاصرت من روس الاعيان=م تنقلب في نظرة الناس رمه
ويلاه ياوقتٍ نوالي بعصيان=ثر الزمن ياناس مافيه ذمه
وياشين طرد المقفي ولو كنت ولهان=ياخذه شيطان الغرور ويخمه
يظن انك هايمٍ به وشفقان=مايدري انه لو فطس ما تهمه
وما اشين من معاشر قليلين الايمان=درب الهدايه لا ابد ما تتمه
العلم سجن وصاحبك فيه سجان=والعلم خال العز والجود عمه
وياشينها اصلن مابقى شي ما شان=هذي اليالي طبعها مدلهمه
الشين والله شين غالين الاثمان=لاقام كلٍ رافعٍ فوق كمه
ويازينها لاصرت لاهي وطربان=وحبل القصايد يرتجيك وتـــــلمه
يـالـيـل دانه ليل دانه لا لا دان=مافيه ثوبٍ يستر اطراف كمه

ررررررررررررراقتلي