وللتحشيش اصول

السلام عليكم ورحمة الله وبركاته وبعد

نسخه مع التحيه ل

طفشان ========> استاز ياوديع

احساس KSA=====> استاز برضه

مختبص ======> تلميز بس يخوف وعاوزه يبئا صاحبي

عاشق عجوز ====> ليش تغير اسمك ياولد <<<< وش دخل


المهم من غير اطولها وهي طويله <<<< بس كيف المقدمه


نخش في خشب الموضوع <<< دايما صلب قلت من باب التغيير


بينكا <<< موغلط املائي يادعني انتي والمطنوخه وندوش لاتفرحون

الغير مهم بينكا كنت في العقد الاول من عمري <<< براءة اختراع اتحدى انقالت قبلي

تقريبا بين السادسه والسابعه من عمري يعني السابعه الاربع بالزبط كنت نايم بالليل

تخيلو نايم بالليل ماقد صارت صح المهم وحينما كنت كذلك هه هه هه سكلتك امك

يا ابا نويمه <<< جمله اعتراضيه من مسلسل اسلامي مصري واذا بالوالده حفظها الله

تصحيني وتقول حبيبي ... قوم ياقلبو ... قوم ياهلي انت وانا اتدلع واتقلب وفجأه واذا بذاك

الشرقي >>> نوع من الاحذيه الصلبه جدا الظاهر يسمونها بنجد زبيريه ماشيه 200

كيلوجرام مربع بالفانيه <<< جزء من الثانيه ناس ماتلعب المهم انه جاني بحرفه طاير

على الجزء الايمن من جبهتي ولا ضرب الا في خشمي وانا افز فزة رجل واحد اثاري الحنان

اللي قبل كان بالحلم وانا اعطي <<< اسلك طريقا . الباب وهي اللي تجودني بترقابة الثوب

من ورى وتثبتني على صدرها وتسويلي انزال على الظهر وتثبتني على الارض وتقولي

هذا عشان البارح طول الليل وانا اقول ارقد يا انسان ارقد يا انسان وانت تبي تتابع مسلسل

لميس ومهند <<< ترى كانوا مسوين مسلسل ذيك الايام على قناة اليمن وكان عندنا اريل

مايجيب السعوديه مايجيب الا اليمن طبعا بعد ذاك المسلسل تزاعلوا وراحت لميس مع يحى

ومهند مع نور <<< عشان تعرفون ان الرومنسيه في دمي مذ كنت بزرا <<< مايمديكم لاتحاولون

عودا لذي بدء <<<ماقلتلكم وبينما كنت كذلك قالت خل المسلسل ينفعك قم طش وجهك بماء

والحقن << فيها عردز قصيمي من خوالها المهم وانا افرش وجهي بلوكس واجيها سمي

ياقلبو <<< ودي اعيش الحلم , قالت خذ الخمسين ذي ورح على اليماني اللي في المنشيه

المنشيه هي مجموعة دكاكين متنوعه خضار وجزاره وبقاله وفرن وكذا يعني ...

الزبده قالت روح لعلي اليماني الجزار ابوك مكلمه عطه الفلوس وخذ شبث قبل لاتوصله وخله

يفرمها اللحمه و الشبث وجبها وخلني اعد لين 20 وما القاك عندي <<< طبعا تقول كذا لانه

آخر شي توصله بالعدد الله يخليها لي >>> ياويلي لو تدري عن ذي المحشات ويلاه

خت بعضي ومشيت لحد الراقل بتاع اللحمه <<< معليش احب اللهجه السوريه موت

صباح الخير ياعم علي ابوي يسل ... خلاص ياجني داري بس اسكت ,, وانا اللي القط

وجهي واعطيه الفلوس واخذ اللحم المفروم واجي راجع ...

فيه ورع منتفخ شامي بس ما ادري من ايات في الشام الورع ذا له قصه اقولكم هي

في موضوع ثاني لاكن الزبده ان كان بيني وبينه عداوه شديده <<<(كانت سندوشتاته في الفسحه

تلوع الكبد مره حلوه <<< كيف تجي احيانا بيض مقلي وعليه شرايح طماطم واحيان مسلوق

وعليه خيار يعني تحس سندوشته رسمة فنان << كيف سندوشته وسندوشتاته وكيف التعبير مبدع

وفي ذاك الوقت كنت انا واخوي ناخذ حبه تميس ونطبقها في الشنطه وكل واحد جبنه ابولد

وعصير برنده احيان خصره واحيان لا واذا جات الفسحه نتقاسم التميسه وكل واحد يجلس يليس

النص اللي معاه وبالهنا والشفاء على قلوبنا طبعا كان المميز اصبعك يوم تلحسه بعد التلييس

المهم ابتعدنا عن الموضوع وانا راجع باللحم شفت المنتفخ واقف قدامي قلت ابسلك طريق

آخر كي لايراني ويدوس في بطني <<< اقولكم بينا عداوه ., والله وانا الف من ورى الحاره

وادخل مع سيب يؤدي الى المنزل وفي نص السيب الا ذاك الكلب اللي يقول للاسد قوم وانا

اجلس مكانك وهو يدرعم يمي وانا احط ثوبي في فمي وطلقه ,, انا ما ادري انه يبي اللحم ولا

والله لاعطيه وافتك افكره يبيني انا والله وطريدي الين ماوصلت باب الشارع حقنا وادخل

واسكر الباب بس تتوقعون على ايش سكرته !!! على دجمة الكلب ابن الكلب اللي سببلي

عقده اعاني منها للحين بس تخيلوا الموقف وهو ينابح يبيني افكه وانا احسبه ينابح

بياكلني واستمرينا على هذه الوضعيه دقايق على جيت واحد من الجيران << ياحبي له

موعشان فكني من الكلب لا ... كان دايما في جيبه حلاوه مصاص اذا قابلني

يعطيني وحده دايما ... والله ويدف الباب ويهج الكلب وانا اطلع للوالده لقيتها تقول وانا

داخل تسعطعش وربع تسعطعش ونص ....... هلا بذيبان واعطيها الكيس the end



ادري انها طويله بس اتحدى اللي قرا ما ابتسم على الاقل ولذلك اذا انبسطت من

التحشيش اطلع لراس الموضوع بعد ماترد طبعا واضغط على الميزان وعطني

التقييم ترى مابتموتون اذا سويتوها ولاتكتبون شي بالتقييم بس اضغط اتفق مع العضو

وقد يحالفك الحظ في رد القميل ياقميل

هههههههههه
مؤ طبيععي

يعطييك العافييه ع الطررح القمييل

مشكوووووور والله يعطيك الف عافيه