وأنتهى حبي سراب ومن نعيـم بنـار شلعـه

أنتدب فيضان هاجس نابعن مـن نهـر دجلـة =صافين عذبن مذاقه مـن رحيـق وسلسبيلـه
يمتطي خيل الصراحه وأنتـدب لمـن أنتدبلـه= يستشـف آلام جـرحٍ تفهمـه نـاسٍ قليـلـه
مع صدى صوت المواجع أتجه ممشـاه قبلـه= تمنعه عزة كريـم ويدفعـه صـوت الأصيلـه
من على راسـي وعينـي كلهـم عنتروعبلـه =وأنت ياقيس الملوح من غـلاك أغليـت ليلـه
كلكم غالين عنـدي والهـوى ميلـه وعدلـه= كلنـا وبصـوت عالـي كلبـونـا ننتميـلـه
أقصد الحب العفيف اللي يجي في قلوب وجلـه= له يميل القلب ميلة غصن في وسـط الخميلـه
الغلا يحي الضمير ويجعـل الصعبـات سهلـه= شئ أساسي فالحياة ولي معه سيـرة طويلـه
أبتديت الحب جاهل طفل تلعـب معـه طفلـه= بالثرى نبني بيوت بـواديٍ مـن غـب سيلـه
مافطنت لما حصـل وهـي كذلـك مافطنتلـه =لين أهلنـا طالبونـا وأحتشـم عنـي بشيلـه
صار محضور المواجه وأن حصل لحظات عجله =لحظة مني ومنهـا يشتكـي لـي وأشتكيلـه
أشتكي منها عليها عايشٍ بعـدك فـي عزلـه= وتشتكي منـي عليّـه بـس مافاليـد حليـه
والمصيبه مادريـت إلا وانـا مدعـي لحفلـه =حفلة أغلى الناس عندي زادت الحمـى مليلـه
وأنتهى حبي سراب ومن نعيـم بنـار شلعـه= والأمل عشناه ياس بأسبـاب عـادات القبيلـه
معوض بن سودان الشاطري

الله ... الله قصيدة جزلة من شااعر جزل

صح لساان الشاعر / معوض الشااطري

وتسلم يمينك على حسن الأختيار أبو صالح

تحياتي ...

اخي ابن مطيع
مشكوووووور والله يعطيك الف عافيه
دمت بود

سهم الفردي
كل شرف لي بمرورك الرائع والجميل
تقبل تقديري

العفو النمر الارقط
ذوق شعري لديك
وياهلابك