من قصائد الشاعر المبدع / تركي بن عطالله الميزاني
|
على الهـون ياجـرح المفـارق وضيـق البـالعـلـى الـهـون يـاهــم سـطـابـي وقـدرتــه |
اعـزك لــو انــك جــرح ومجـاهـدك قـتـالوروضـت جسمـي لاجـل سقمـك وصبـرتـه |
لاجل من ملك قلبي من الجال ليـن الجـالوفجيـت لــه بــابٍ عــن الـنـاس سكـرتـه |
وحطيت له عن شمس قيظ الغرام اظـلالوشـيــدت لـــه بـيــت بقـلـبـي وعـمـرتــه |
عشـقـتـه ودلـلـتـه وجـريــت لـــه مـــوالوتـخـيــرت قــربــه لـيـتـنــي مـاتـخـيـرتـه |
رعى ريـف قلبـي ليـن صارالحشـا مدهـالوعـــن مـدهـلـه جـنـبـت غـيــره وذيـرتــه |
سقيـتـه مــن عــدود الـغـلا والـغـرام زلالبـعـد مـاجـذب مــن دم قـلـبـي وصـدرتــه |
اداري عليـه مـن الـزعـل وازعــل الـعـذالوخطاه ان كبـر فـي عيـن غيـري تصاغرتـه |
ترافقـت انـا ويـاه مـن يــوم كـنـا اطـفـالتـكــون غـــلاه بـوســط قـلـبـي وكـبـرتــه |
قـبـل مايغـطـي لـيـلـه المنـتـثـر بـالـشـالسرقـت الكـرى مـن نـون عينـه وسهـرتـه |
نقش كل حرفٍ من حروفي على السلسالتـبـاهـى بـهــا واغـــاظ نـــاسٍ مـجـاكـرتـه |
وكتبت القصايـد فـي عيونـه علـى اليامـالوليـامـرنـي صــــوت الـنـواخــذ تـذكـرتــه |
تكـاثـر عـلـي الله يجـازيـه كـيــف الـحــالوانــا يــوم اســوق العـمـر لــه ماتكاثـرتـه |
وبـعـد كــل هالتقـديـر والـحـب والاجـــلالتـغــيــر وهـقــواتــه عــلــيــه مـغـيــرتــه |
لبستـه ثيـاب الغطرسـه لـيـن جــا يخـتـالوكبـر فــي عيـونـه يــوم الاوهــام غـررتـه |
واذا السالفة ضحك ومهازل ولعـب اطفـالخبطت الغصـن ليـن ابـرق الريـش طيرتـه |
خلـصـنـا وقفـلـنـا الـصـنـاديـق بـالاقـفــالومـن جـور حكمـه كـامـل القـلـب حـررتـه |
|