راسي عنيد وهرجتي محتميها

الشمس تطلع لو ظهر دونها غيوم=سبع الأراضي تشرق الشمس فيها
تطلع عليه الشمس من يوم لا يوم=حتى القمر يعكس شعاعه عليها
ماهمني لو قالوا الناس مسموم=سمي يسم قلوب ناسن مابيها
أرقى على روس النوايف ولا الوم=ناسن على مرقاي تشر يديها
الحر حر وماعلى الحر من بوم=يرقى سنود وكل همه يجيها
سلام ياللي تعرف الحق وتقوم=من ينصر المظلوم عاش ولقيها
في هالزمن رجال واحد ومظلوم=قال الحقيقه والحقايق تليها
صكو عليه الباب والشيخ مصدوم=من فعلهم حتى الرجال تحكيها
واقف لحالي والعرب وقفوا قوم=وام الكباير وقفت تشتكيها
صارو لها خدام في زرعت الثوم=واليا ارتخت روس الرجال ارفعيها
ألا أنا جيتك وعندي لك علوم=راسي عنيد وهرجتي محتميها
صدر القصيد اللي حبكته على أوم=وعجز البيوت معجزه فيه أيها
مادمت انا للحق واقف ومدموم=ذيك الليال الماضيه راجعيها
يومك لبستي غير فستانك هدوم=لبستك احلى ثوب هل تذكريها
لجلك سهرت الليل واعي ولا انوم=وقصة هوانا كلهم عارفيها
دامك مسكت اشراف في داخل الروم=حسره عليك ومنتك مانبيها
مادمني عايش معزز ومحشوم=مارضى الهوان وصورتي طالعيها
تلقين بعيوني شياطين زيزوم=وذيك الرجال بصورتي علميها
براك وينك صدر اليوم مرسوم=وأختم بختمي ثم وقع عليها
خلاص صاير من هوى الزين مهموم=لقيت بنتن ثانيه بهتويها

مشعل بن عميان البقمي

النمر الارقط
يعطيك العافيه على الاضافه الرائعه
تحيتي

مشكوووووور والله يعطيك الف عافيه
اخي ابوفيصل

يعطيك العافيه
يالنمر
تحياتي لك

يعافيك ربي اخي عبد العزيز
مشكور على المرور