الحب النزيه

الحب النزيه

اللي موردني على حـوض الهـلاك=جعـل المصايـب كلبيهـا ماتجـيـه
العاقـل الفاقـه عنـيـد الأحتـكـاك=مـدلـعٍ خلـقـه ولكـنـه نـبـيـه
يارب صخـر لـه دواك يضـد داك=واستر على وجهه من عيون السفيـه
غروٍ جمالـه يبعـد همومـي هنـااااك=جمال وجهه غير عـن كـل الوجيـه
شفته على غفله واحسب انه مـلاااك=ونشبت عيوني فيـه تبغـى ترتويـه
قلت السـلاام, بنبـرةٍ فيهـا ارتبـاك=رد السلام وضحكتـه تغلـب عليـه
قال انت عاقل قلت لين الحق مـداك=من يوم شفتك والعمر يقصـر مديـه
قال انت صاحي قلت جننـي حكـاك=كلامك الذرب الحكيـم امـوت فيـه
قال انت فاقد قلت مقصـودي معـاك=وللحين ماجبت السـؤال اللـي ابيـه
قال ايش قصدك قلت خلاقك عطـاك=عقل وذكاء وانا سؤالـي لـك وجيـه
قال انت هايم قلت ذابحنـي غـلاك=لوك سئلت مـن البدايـه قلـت ايـه
قال احسب ان لأول بيبحث لي خفاك=الين جيت اخر سـؤال وتهـت فيـه
وعرفت فيك الشاعر اللـي ماسـواك=يميـل لـه قلبـي ويعشـق راحتيـه
قلت العمر قال العمر جعلـه فـداك=العمـر يفنـى والمواصـل يبتـديـه
قلت الوصل قال الوصل هو مبتـداك=واليا قطعتـه ضـاع شـيٍ ترتجيـه
قلت الرجاء قال الرجاء والله بـلاااك=ساعة رجاء والصبر قلبـك يشتويـه
قلت الصبر قال الصبر يالله حمـاك=نبـذة عـذاب القلـب مايقـدر عليـه
قلت انت قال انا بشر يتبـع نـداك=قلت اصبر ابغى اسئلك يالعقل النزيه
انته تحرصني عشان اتبـع ارضـاك=العمر يفدى العمر لـو تامـر عليـه
ياجمل من البسمه على راحة شفـاك=واغلى مـن الدنيـا وشـيٍ تحتويـه
قـال اليالـي لاتبيّـن لـي جـفـاك=واقفى وهو يضحك ويشر لـي بيديـه
قلت الـودااع الله لايقصـر خطـاك=ياللي جمالـك فالبشـر مالـه شبيـه
واقفيت انا ويا همومـي فـي عـراك=الله يعين القلـب يصبـر ليـن اجيـه
صحيح وردني على حوض الهـلاك=لكن هـلاك الـود والحـب النزيــــه

رآآآآآآآآآآآقت لي

مشكوره ميس

غروٍ جمالـه يبعـد همومـي هنـااااك
جمال وجهه غير عـن كـل الوجيـه




القديره
ميس الريم
راقت لكـ وراقت لنا كيف لا
وهي بمتصفح ميس الريم المبدعه دائماً
الله يعطيك العافيه والله لايحرمنا إبداعكــ
تحيتي

اقتباس:
المشاركة الأصلية كتبت بواسطة ذعذاع الشمال
مشكوره ميس


كل الشكر لك ذعذاع الشمال على المرور والتواجد

اقتباس:
المشاركة الأصلية كتبت بواسطة غازى بن عجاب أبوزوايد
غروٍ جمالـه يبعـد همومـي هنـااااك
جمال وجهه غير عـن كـل الوجيـه




القديره
ميس الريم
راقت لكـ وراقت لنا كيف لا
وهي بمتصفح ميس الريم المبدعه دائماً
الله يعطيك العافيه والله لايحرمنا إبداعكــ
تحيتي



أخينا غازي بن عجاب
بمرورك عطر الكلام فواح
وزين الحروف فيه لاآح
اشادات طيبه فيها العبارات سماح
فشكرا جزيلا من مصفحي لك وضاح