عفا الله عن نفس عبدالله بن دويرج رحمه الله

عفا الله عن عين جداهـا ونينهـا=ياوي لها من كان يوحـي حنينهـا
على طفلة عمهوجة غضـة الصبـا=تسبي قلوب اهل المـوده ابزينهـا
تباهى بمجدول على الـ.. كنـه=سبيب شقـرا باللقـا مسرجينـهـا
والعنق منها عنـق قـوادة المهـا=بانـت علـى تفّـاقـة ذايرينـهـا
ذرعان بالكفين هـي غايـة المنـا=مع حسنهـا بخضابهـا ناقشينهـا
انا ما ذبحني لين شفته وبـان لـي=كما اللولو المنظوم بيـن اشفتينهـا
وخد كما المصقول في كـف نـادر=حامي بهـا ورد علـى وجنتينهـا
ومحاجـر ذبـحٍ لطلابـة الهـوى=لكن ذحاح الموت في حجـر عينهـا
زهى ال.. منها كالرماميـن تـرّز=حمر ثمرهـن مـا لهجـن جنينهـا
والبطن لا ديباج لا المرعـز الـذي=كمـا دارة الدهـدار لونـه ولينهـا
و..يعوقه عن مسيره الى مشت=..........
وحدر ... احزوف تزهاه ما حلا=ساقيـن صافيـة البهـا واقدمينهـا
فلاشـك واعـزاه ماهيـب ضنتـي=خيـره لغيـره وابتلتنـي بحينهـا
زهت بالشباب وغاية الحسن والبها=وهي له ثلاث وعشر عدة سنينهـا
ابت لا تمنينـي ولا تقطـع الرجـا=ولا تنفع الشكـوى لمـن يزينهـا
وهي سمحة الاطراف ملهوفة الحشا=الا واهنيـك بالطـرب يـا خدينهـا
كما دوحة البان الذي هـزّه الهـوا=الى هب ذعذاع تمايـل اغصينهـا
حشا الله ما فيها من العيـب ذارب=حذا في ليال اشباط لـذة ...
ولا ظن له عندي حتين مـن المـلا=حذا موق عيني ربما انـه حتينهـا
تهاوي هواه النفس وهو على النقا=فلاشك اعذل النفس عنها واهينهـا
ماهـوب لا بغـض ولا محقـريـه=فلاكن اخاف النفس تبـدي كنينهـا
الى انتحت نفس آدمي على الهـوى=فهي ربما يصبح ضعيـف يقينهـا
فلاكن على المخلوق يسـال خالقـه=يعينه على نفسه ويخـزي لعينهـا
تزريت من قـول القلـوب شواهـد=وانا اظن هذي هرجـة ناسخينهـا
يود هبيـل القلـب مـن لا يـوده=على عصر بن بدران يا جاهلينهـا
ومني ومن يوحي صلاة على النبي=ماحي ظلام الشرك بانـوار دينهـا
والآل والاصحاب ما قلـت مبتـدي=عفى الله عن نفس جداهـا ونينهـا

تسلم على النقل وآسف على الأستفهام

أنت كاتبه هكذا((تباها بمجدولن على الردف كنه ثليل شقراء باللقاء مسرجينها ابن دويرج رحمه الله))

ولم أفهم القصيده أشكرك على جهود

وسعت صدرك ولك مني حبة خشم

يالغالي وطال ماأنت شمالي أكيد وسيع

بال

ابو عمر 0 صدقت الخطاء من كتابتي و تبقى مكسب واخونا الكبير بهذا المنتدى ورجل منكم نستفيد 0

مشكوووووور والله يعطيك الف عافيه

ولك بالمثل يالنمر الارقط

مشكورييين وما قصرتو