يارجال الاعمال والى يالشيوخ الكرام

يا رجال الاعمال والى يالشيوخ الكرام=اخذت منكم كحيله ما وصلتولها
ماهوب تقصير في وضعي ووضعي تمام=من عزوتن في القبايل تعرف افعولها
عرفت ذات الحسب ذات النسب والمقام=لي عليها جنوني تقرع اطبولها
اهيم في حبها يا حلو ذاك الهيام=ون قلت مهبولها صحيح مهبولها
فيها علي الحرام اني مهاب الملام=لو تهرج الناس صاحيها لمخبولها
وفيها ماخاف المشوك والفشق والحسام=سوق نفسي لها لين انثني حولها
يا فتنتة ٍ عمرها خمسه وعشرين عام=ضيع في عرضها واضيع في طولها
لا سالفت لي سوالفها حسدت الكلام=نه يعانق .. على لولها
وقول سويتها فيني يا ولد الحرام=ويقول حامض حلو ويرد ويقولها
يا جمل فتاتن تناظرها عيون الانام=تسحر قلوب الرجال وتسلب عقولها
يا نور حبك تمكن في اللحم والعضام=سوى بقلبي سواليف ٍ على اصولها
عيونك ابها الدلع والظلم والانتقام=وخدودك الطف من الغيمه وهملولها
والوجه يجعل بنات الكون كله عدام=يلغي وجود البنات ويقفل قفولها
سبحان من صورك من راسك اليا الابهام=يه عضيمه من اياته ومدلولها
يا طيب حظ النعاس اليا غشاك المنام=يرتاح في عيونك الثنتين وينولها

معيوف الدوسري