ياعزوتي

ياعزوتي يابدر مااقرب حضايبـك=على الخطا والصبح حبك نقـازي
نوب تنسينا الشقا فـي عجايبـك=ونـوب تولعهـا بليفـة وقـازي
ادناة مايرضيك وأدناة مااغضبـك=تلقط الغلطـات لقـط الجهـازي
ماهي عداوة يوم اطالبك واضربك=أنته حفيد جدودنا ماانـت نـازي
لاشك انا يابدر ابنصحك وادبـك=واعطيك عن كل المعاني أجـازي
تلقى فوايدها ليـا خـط شاربـك=بها على كل الوصايـا أمتيـازي
خلك شمالي عنـد زلـة قرايبـك=وعلى الحقوق الليا نصنك حجازي
لاتذخر المذخور من دون واجبك=اوف الحقوق اللازمات بنجـازي
للضيف والجيران ليّـن جوانبـك=وبالطيب جاز وبالردى لاتجـازي
احلم على زل رفيقك وصاحبـك=ادمح خطاهم لاتصيـر انتهـازي
يابـدر والله ماتخونـك مناسبـك=لك منسب طيب وساس عـزازي
أفرح ليا قالوا هاك العود جاذبـك=يصير عندي مفخرة واعتـزازي

الشاعر/عبدالله بن زويبن

عوايدك الأنتقاء المميز
يعطيك العافيه

ياسهم

قصيدة جزلة جدا تسلم اخينا سهم
انتقاء راقي

يـابـدر والله ماتخـونـك منـاسـبـك=لك منسـب طيـب وسـاس عـزازي
أفرح ليا قالوا هـاك العـود جاذبـك=يصيـر عنـدي مفخـرة واعتـزازي

صح لسان الشاعر الكبير العلم
عبدالله بن زويبن المعمرى وسلم القلم
على مانقل ونشر
تحيتي

أخوي القدير / سهم الفريدي .


اختيار جزل وموفق .. ونقل رائع جميل ..


يستاهل ابن زوين وصح لسانه ..


تحيتي ووافر تقديري .

مشكوووووور والله يعطيك الف عافيه

مشكورين جميعكم

اسعدني تواجدكم ....