ياهيه يالمندوب يالمشمل اللــــي سليم بن عبد الحي

الشاعر سليم بن عبد الحي محمد ال عبد الحي رحمه الله

المعروف (سليم بن عبد الحي) من مواليد الإحساء تقريب ٍ عام 1230هـ بمدينة المبرز (السياسب ) واحد من كبار شعراء الاحساء السابقين درس القران الكريم وتعلم القراءة والكتابة فكان يكتب قصايده بقلم الريشة ان ذاك كما ذكر في قصايدة وكان شاعر ٍ يتنقل بين الاحساء والبحرين والكويت وله علاقات وصداقات حميمة مع شعراء عصره داخل الاحساء وخارجها ولديه العديد من المساجلات الشعرية مع شعراء عصره امثال الشاعر محمد بن مسلم صاحب قصيدة (البارحة يوم الخلايق نياما) والشاعر حمد المغلوث والشاعر الكويتي عبد الله الفرج والشاعر محمد القاضي وغيرهم ويعتبر شاعر ٍ سليم بن عبدالحي من فحول الشعراء الذين اشتهرو شهرة واسعة في الجزيرة العربية والخليج كما نظم الشعر في جميع اقراضه وأكثر قصايدة في الإلغاز والحكم والامثال والنصح والاجتماعيات والغزل ولكن مع الاسف الشديد لم يهتم أبناءه واحفاده بحفظ شعره فضاع منها الكثير وكان شاعر ٍ من المعمرين فقد مات عن عمر ٍ يناهز التسعين عام وكانت وفاته في دولة البحرين تقريب ٍ عام 1320هـــ

ياهيه يالمندوب يالمشمل اللــــي=تبغي وطن خلي عسى الرشد لك فـال
مني تَحَمّلْ ما بطــي السجلـــي=بالزاج والمشلوخ خطيــت الامثال
سلام مفجوعٍ شبابــه أمولــــي=ما به من اللحمه ثلاثين مثقــــال
وازكى تحية مغــرمٍ مستحلـــي=والفيـن ترحيبٍ على ذيك الاطـلال
عم المبرز بالتحيه وســـل لــي=عـن دار معسول النبا سمح الاقبـال
غرون عليه مغوزر الدمـــع هلـي=مـن ناظري والقلب جا فيه ولوال
لا جيت عند اللي حديثـــه يسلـي=وقام يتحفى مغزل العين ويســال
فان قال لك سيد الرعابيـب خلــي=كيـف الهوى سواه قل في ردا حال
قطع غرام الشوق صبــره وملــي=مـن ذا الحياة اللي بها شاف غربال
وساعة رأى منك الجفــا والتغلـي=امســى سهير العين بالنوم ما ذال
حاله نحيل وضامــره مستعلــي=مدرعٍ مــن عايل السقم سربال
يا سيد الخفرات ليتــك تفلــــي=جوف الحشا وتناظر القلب وش قال
وتشوف من لا عنك يقوى التسلـــي=ولا يعضه فيك غضاة الاطفـال
بالله يا مدعوج الالحاظ قــل لــي=وش سبّب الفرقا على اي مدخـال
حللت قتلي بايا مذهــب و حلـــي=وأشركت عقلي من سجاياك بهبال
فان كان عندك للنصيحــة محلــي=بي تفهم المعنى وللشور قبــال
فاحذر عقوبة من عليــك متعلــي=وأعرف ترى الخالق لما قال فعال
لا تحدث الفرقا على غير دلــــي=وبتلاف غالي الروح لياك تحتــال
فان كان ابو حمزة عن اميّم ذلـــي=ولا نطـــح شوقه فانا عنك ذلال
قوست احجاجه واللواحظ شقاً لــي=فيهـن سهم موتٍ ووترٍ ونبــــال
والأنف يشبه صارمٍ يــوم سلــي=في كف شغمومٍ مـــن القوم سردال
كن البرد ... والعســـل زلــي=في مبسمٍ صافي والنهد فنجــــال
هايف حشا لا من مشى لـه يتلـي=من خلف....له مزابير واثقــال
وال.. مدمــوحٍ والاقدام واللـي=شاد السما ارضى لهن خدي نعـال
وخمصٍ الى من سار خطرٍ يزلـــي=ومن ترفهن ودك عن الأرض ينشال
والقد مـوزٍ ناعـــمٍ مستظلــي=ان حركة ريح الهوى بالغوى مـال
والعرف سباحٍ على المتن تلــــي=متعثكلٍ ياليت له مخلبــي تــال
في غرته نورٍ شعل واشتعل لــــي=صبحٍ تنفس عنه ضاوي الدجى مال
سبحان من صور جمالــه وجلــي=وشرف على الخفرات قدره بالانفال
فان كان يافرحان خلي حصل لـــي=وجا بالسهاله سقت له غالي المـال
والا ترى بانخاك باغٍ تسلـــــي=صافي حديد الهند ياذرب الافعــال
وننصاه واطفي من هوى البال غلــي=لو رحت انا واياك للشـــام نزال
واللي حضر نظم المثايل يصلــــي=على الذي يشفع لنا يــوم الاهوال

يعطيك العافيه

ياذعداع

تحياتي لك

يعطيك العافيه
على الاضافه الرائعه
تحيتي

جزاكم الله خير الجزاء