قصائد سليمان الهويدي

عشقت القمر

عشقت القمر حيث القمر ينبعث به نور=واخص الليالي البيض تزهاه ويزهنه
واحب الهوى لاهب من خايع ممطور=وريح النفل حيث النفل طيب الخنه
واحب الجمالة والجمالة عمل مبروك=واحب الغناه وعز نفسي عن المنه
واحب الصراحة والصراحة بها مسرور=حيث أن الصراحة تقطع الشك والظنه
واحب الكريمه اللي يفرج عن المعسور=اليا من عطى حتى اهله ما دروا عنه
احب الرجال العارفه واكره المغرور=من اغتر في بعض المظاهر يغرنه
سقا الله ليال ماضية قبل هدم السور=نحفر العدود ونشرب الماء من الشنه
نشوف البنات اليا اوردن كنهم الحور=مهار مشاويلن بالاعياد معتنه
على الماء تشوف بيوتهم كنهن القور=كثير القبايل تقطن العد بالكنه
على البال ذكراها ياليت الليالي دور=ياليت الليالي ما خذنه يجيبنه
تذكرت شيبان لنا يوم حنا بزور=يحثوننا بالطيب والفرض والسنة
لو عاشوا حياة قاسية في بحر وبرور=عسى الله يعوضهم بما فات بالجنة
لو دورن مضى من بينهم وين ذاك الدور=زمان مضى له ذكريات يحلنه
يوم الذهب ما يلبسونه بدون خصور=جمال النسا ما هو من السوق يشرنه
فقدنا حياة البدو مع شوفة المظهور=ولا عاد به بدو ولا الطرش له حنه

الله من دنيا

الله مــن دنيا لدنيا رمتني=دنيا معـاليـق الفـوؤاد احرقتها
امشي لـهـا طوع ولا طاوعتني=صبـرت مـاني عارف شاخرتها
لا قلت ابرفـع مستواي اخفضتني=وليا صفت لـي ســاعة كدرتها
ودي اصارحـهـا ولا صارحتنى=الــم شـوفـاتـي وهي فرقتها
مـن عـقب ماني صامد بهذلتني=وكـل الـرموز الخافيات اعرفتها
ياقـل حـياتــي بها وامحتني=واعـذاري اللـي تـنطق شتتها
مـا هي بـعيد متنها حول منتي=لو نهتني باقصى حشاي اسمعتها
تـصيبني غشــوات لا قابلتني=وإن دنـقت بقـذيلتـن وافهقتها
الله اكـبـر كـنهـا مـالـكتني=تـفـرنـي كـفرهـا لمنظرتها
أو خـاتـم فـي اصبعها لاعبتني=أن مـت تتحـمل خطاي ارقبتها
لا شتد غيـظـي يمهـا حايلتني=وكـل الـدموع الاولات امسحتها
بلعـون فـايقة الجمال اخلجتني=واعمري اللي ضـاع على بختها

سليمان الهويدي

مشكوووووور والله يعطيك الف عافيه

مشكور اخوي

عشقت القمر حيث القمـر ينبعـث بـه نـور==واخــــص الـلـيـالـي الـبـيــض تــزهــاه ويـزهــنــه
واحــب الـهـوى لاهــب مــن خـايــع مـمـطـور==وريـــح الـنـفــل حــيــث الـنـفــل طــيــب الـخـنــه
واحـــب الجـمـالـة والـجـمـالـة عــمــل مــبــروك==واحــــب الـغـنــاه وعــــز نـفـســي عــــن الـمــنــه
واحــب الصـراحـة والصـراحـة بـهـا مـســرور==حـيـث أن الصـراحـة تقـطـع الـشــك والـظـنـه

ابيات أعجبتني
اختيار جميل
تسلم ذعذاع الشمال

يعطيك العافيه على الاضافه
تحيتي

جزاكم الله خير الجزاء