احترمته مير اشوف احترامي له مذمه

والله اني لجرح القـاف ليـن يسيـل دمـه=واتعبـث فـي معانـيـه وابـيّـح كنيـنـه
واجمعه .. وافرقه نرفـزه ..وارجـع والمـه=لين يهدى من عناده.. ويبـدي لـي حنينـه
لو زعل مني وضيقت صـدر ابـوه.. وامـه=والله انـي ماتركـه دام ماكحـلـت عيـنـه
وان زعل مني.. ومن سيرتي.. وانا ابن عمه=ليه مايزعـل مـن انصافـي اللـي مبتلينـه
آآآآخر صفوف اهل الشعر.. صارو ا فيه أئمه=لعن ابو شعرٍ بسط لابسـط اصحابـه يدينـه
الشعـر نـزل عباتـه.. وشلفـاه.. ومعمـه=شوف حتى الشعر.. كيف اثرت فيه المدينـه
صار سهل .. وكل من وده يخمـه.. يخمـه=بعـد كانـت هيبتـه هيبـة الليـث بعرينـه
ودام كل انسان يارد .. ويشرب مـن مجمـه=يتحمـل موقفـي ضــده.. الله لايهيـنـه
لايقول انه بحر صعـب.. وانـي مـا أهمـه=البحر ياما هرب مـاه عـن وجـه السفينـه
احترمته.. مير شفت احترامـي لـه مذمـه=يوم مايلقـي لـي البـال وش بينـي وبينـه
لامتى استحمل عناده.. وانا بالجوف اضمـه=ولامتـى وانـا اترجـاه.. واقبـل جبيـنـه
لي عليه انـه يجينـي لامنـي جيـت يمـه=كل ماطلـب منـه فزعـه يناولنـي يمينـه
وله علي انـي لاعانـق بحرفـه كـل قمـه=ما اذبح من افكاري لخاطـره غيـر السمينـه

لافي الغيداني

معان ٍ جزلة وسمينه ,, من شاعر اعتلا قمم القوافي ,,

أخي القدير / النمر الارقط ,

دمت ودامت معانيك واختياراتك ..

تحيتي ووافر تقديري .

صح لسان الشاعر لافي الغيداني

وتسلم يمينك يالنمر على الأنتقاء
الجزل
تحياتي وتقديري
لمجهودك

اخي القدير وشاعرنا العذب
نواف بن فارع
شكرا لمرورك على موضوعي وهذا شرف لي ووسام على صدري
دمت بود

شكرا اخي عبد العزيز على التنسيق
والمرور الجزل
دمت بود

معان ٍ جزلة وسمينه ,, من شاعر اعتلا قمم القوافي ,,

أخي القدير / النمر الارقط ,

دمت ودامت معانيك واختياراتك ..

تحيتي ووافر تقديري .

اخي القدير ابوفيصل
شكرا لمرورك على موضوعي وهذا شرف لي ووسام على صدري
دمت بود