كفى الله يابعد كل من حبيت

كفى الله افراقك يا بعد كل من حبيت

كفى الله افراقك يا بعد كل من حبيت=عسى الموت لي قبله وطيات الاكفاني
انا ويش يبقالي الى ارخصتني واقفيت=ولا لي مراد بعيشةٍ كلها احزاني
اشوفك وانا مدري تقل يا الغضي صديت=وانا ما خبر مني خطا جاك تجفاني
انا اللي بلا منه عطيتك ولا خليت=والى شانت الدنيا على طول تلقاني
نصوحٍ سموحٍ كلما قلت لي لبيت=ابادرك بالطاعة ولو تطلب اعياني
بربك وربي والسماء والملا والبيت=فلا مثلك احدٍ في زماني تولاني
احبك من الله ما تخيرت يوم ابليت=بلاني بك اللي يعلم السر واعلاني
لو اطلب جلا حبك من الله اذا صليت=تجدد وزاد ابخاطري يومي الثاني
تشوفه بعيني كلما رحت وإلا جيت=هماليل دمعٍ ساقته رفة اجفاني
عساني بظني يا نظير العيون اخطيت=وقلبك معي لا زال مغلي ويهواني

وسلامتكم
المرحوم
حمد الطيار

بن ذويخ مشكوووووور والله يعطيك الف عافيه

بــربـــك وربـــــي والــســمــاء والـــمـــلا والــبــيــت==فـــــلا مــثــلــك احــــــدٍ فــــــي زمـــانـــي تـــولانـــي
احـبــك مـــن الله مـــا تـخـيــرت يــــوم ابـلـيــت==بـلانــي بــــك الــلــي يـعـلــم الــســر واعــلانــي
لـو اطلـب جـلا حبـك مــن الله اذا صلـيـت==تـــجــــدد وزاد ابــخــاطـــري يـــومــــي الــثــانـــي

ابن ذويخ أبيات رائعة واختيار أروع
تسلم وصح لسان القائل

مشكور بن ذويخ على الاضافه
تحيتي