قصيدة عن كارثة جدة

صاحبي والورد تاليه الذبول=والحياه اتْغرّ مِن يسعالها
عمرها ينقص ولو شفته يطول=وهذي الدنيا وهذا حالها
والحوادث تَذْكِره لاهْل العقول=بس من فينا يبا يصحالها
وشفت وعيوني يحاصرها الذهول=وحالتي في وقتها يرثالها
ديرةٍ كانت تعيش احلى الفصول=مزْهره شطآنها ورمالها
وحاصرت شامخ مبانيها السيول=لين فكّت بالحصار اقفالها
وادْخَلَت مع كل منفذ للدخول=واغْرقت شيبانها واطفالها
ومن طلع ماعاد يطمع بالنزول=دونه ابْحورٍ تلاطم جالها
أغْلقت كل المنافذ للوصول=ولاعْترضها حاجةٍ تشتالها
والشوارع منها تملاها الوحول=وكل فرحه عابره تغتالها
قوّة المولى وحنّا مانقول=غير: يامرسي شموخ جبالها
ارْحمِ عْبادك وجنّبنا السيول=لالْتِطَم فوق البسيطه جالها
واغْفرِلْنا لاغشى العمْر الذبول=وغرّت الأحلام من يسعالها

الشاعر / محمد القثامي

صح لسان الشاعر ومشكور اخوية سهم الفريدى على النقل الجميل بيض اللة وجهك

صح لسان الشاعر

محمد القثامي

ويعطيك العافيه أخوي سهم

تحياتي لك

اخي سهم مشكوووووور والله يعطيك الف عافيه

قصيدة مؤثرة صح لسان الشاعر
وتسلم أخي سهم على ذا النقل

مشكورين اخواني

اسعدني تواجدكم ...