انا ماذبحني غير لحظ العيون السود

انا ماذبحني غير لحظ العيون السود=ورى البرقع الي ناض برقه ورعادي
ليا ساق سهمه للهوى لينات العود=يصيب الهدف مايخطي الرمي ركادي
جنوده حديد ونار ماتنصف اهل الجود=ولا ترحم العشاق في شرعها العادي
تفيض الجوارح من عناها سواة النود=ويزفر صويب الحب ويصير نشادي
يسال القوافي عن سبب حظه المقرود=ويبكي من الجرح المتيم بالانشادي
ليا جر صوته مايجاريه صوت العود=وسلك الربابه ناح من حزنه البادي
تذوب الحروف ويصطلي ليلها المسهود=ويحزى بريقه بين شامت ونقادي
الا ياخشيف الريم ياوردي المورود=ترفق على القلب الذي منك منصادي
خفوقٍ خبرته قبل يلقاك مثل الطود=ومن يوم شافك صار عصفور رعادي
تحوفه ضروف البعد من صدك المعهود=ويختلّ نبظه بين عاذل وحسادي
ينادي على قلبك ويدرى من المنقود=وجمر المشاعر شب موقه والاكبادي
سألتك بمن سواك لاتخلف الموعود=وعجل بوصلك ياعذيقٍ من الكادي

فلاح بن منشار

صح لسان الشاعرفلاح بن منشار
وسلم قلمك أخوى النمر الارقط على الاضافه الرائعه
تحيتي

سلمت اخي ابو فيصل على المرور العطر
دمت بود

قصيدة جميلة واختيار رائع
مشكور النمر الأرقط

مشكور اختي ميس على المرور العطر
دمتي بود

صح لسان الشاعرفلاح بن منشار

تسلم النمر الارقط على الاضافه

والف شكر على المجهود

سلمت اخي على المرور العطر
دمت بود