25-01-11, 10:04 PM
|
المشاركة رقم: 1 |
| المعلومات | | الكاتب: | | | اللقب: | إداري سابق
شاعر وناقد وراوي
| | الرتبة: | | | الصورة الرمزية | | | | البيانات | | التسجيل: | Mar 2008 | | العضوية: | 937 | | الاقامة: | بالرياض | | الجنس: | ذكر | | المواضيع: | 448 | | الردود: | 6371 | | جميع المشاركات: | 6,819 [+] | | بمعدل : | 1.11 يوميا | | تلقى » 22 اعجاب | | ارسل » 19 اعجاب | | اخر زياره : | [+] | | معدل التقييم: | | | نقاط التقييم: | 105 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  مرثية بن سودان
قصيدة جديع بن سودان بن رحيل الخمشى
يرثي زوجته غفر الله لهما
يارجم عديتك وعدابي البين =والقلب في راسك تبيح كنينه
الله لا يسقي مفاليك عامين =ذكرتني راع الطبوع الحسينه
مرحوم ياللي جهزوا يوم الاثنين =العصر من فوق النعش شايلينه
حطوا على منبوز الارداف سافين =رصوا عليه اللبن وملحدينه
ياليت يومي قبل يومه بيومين =ليت المرض من بيننا قاسمينه
لا يا حياة الشر عقب اريش العين =لا واهني من شافنا مقتفينه
شربت أنا من صافي الغبن كاسين =قطع معاليقي وكبدي متينه
يا ونتي ياشين فرقا المحبين =يا عيني اللي من فراقه حزينه
يا سهر عيني والمخاليق ممسين =يا قلبي اللي مثل دق المكينة
قالوا حزين وعشرك اليوم ثنتين =قلت اعذروني زين الاطباع وينه
قالوا تخير بالبنات المزايين =قلت العذارى غيرها منكرينه
قالوا عجوز وقلت انا فا لكم شين =الخمس والعشرين قيمة اسنينه
وجدي عليها وجد راعي بعارين =أمسى خلاوي والسرق حايفينه
هن راس ماله وشلعوهن شيابين =واصبح على الجره يفرك يدينه
أو وجد من لحقوه طلابة الدين =صكت عمي القايله مطلبينه
لحقوه عكفان الشوارب امغلين =وتشاوحوه بكل شلفا سنينه
هذا وصلوا عد نبت البساتين =على نبي كلنا تابعينه
وســـــــــــــــــلامـــ تكـــــــــــــــــ م
|
| |
رد: مرثية بن سودان 
العرض العادي
