22-01-11, 02:01 AM
|
المشاركة رقم: 1 |
| المعلومات | | الكاتب: | | | اللقب: | مشرف سابق
| | الرتبة: | | | الصورة الرمزية | | | | البيانات | | التسجيل: | Sep 2010 | | العضوية: | 3626 | | الاقامة: | القصيم | | الجنس: | ذكر | | المواضيع: | 180 | | الردود: | 2025 | | جميع المشاركات: | 2,205 [+] | | بمعدل : | 0.42 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  انا من اللي عزة النفس تغنيه
يامنتهي الشرهه تجيك المشاريه=النفس لاجرحت يبين زعلها
الشعر زعلته وجت لك معانيه=وان طافتك هذي تحرى بدلها
لوجيت ادور لك عذر وين الاقيه=تجاهلك حتى اعذاري قتلها
انا اعرفك لو ينشري الطيب تشريه=لكن حسافه ليت غيرك فعلها
ان كان في نفسك كلام مخفيه=الكلمه اللي تحرج النفس قلها
مهوب انا اللي خمس كلمات ترضيه=الناس يافلان تقاس بعملها
بعض الاوادم ضحكه الزيف تغريه=لين يتجرع سمها في عسلها
واللي عن الواجب طواريه تعميه=تمر...ميلات الخطا ماعدلها
واللي عيونه تنخدع في مباريه=لو كلمته عوجا عشانه قبلها
واللي نسى يعرف عدوه ومغليه=نفسه تساوت علمها مع جهلها
هذاك ياكود القصايد توعيه=حتى يعرف ان المشاعر خذلها
من صد ..عني عمد ولله مارجيه=لو حاجتي عنده حشا ...لااعتزلها
انا من اللي عزه النفس تغنيه=ماذل نفسي للحياه وغزلها
وانا من اللي حاضره مثل ماضيه=لااكبرت القاله تعود لااهلها
كللن تحثه للمعالي هقاويه=بس الثقيله مالها الا جملها
الصاحب الطيب على الروح ابديه=والا الثعاله تنكشف من حيلها
من ترده الشرهه تجيه المشاريه=النفس لااجرحت يبين زعلها
عبيد الازمع
التعديل الأخير تم بواسطة عبدالعزيز العبلان ; 22-01-11 الساعة 02:06 AM |
| |
العرض العادي
