ما فيه ضيـق ألا وراه إنفراجـه

مقشر من الضيقه على غير حاجه=ألا إلى صد الخوي وأنت محتـاج
لا جيت له شفقٍ وعقّـد إحجاجـه=في ساعةٍ مالك من الضيق مخراج
ومن الردا حطّك بعنـق الزجاجـه=وعن حاجتك يبني معاذير وسياج
وعوّرك في كبدك بكثـر اللجاجـه=هرجه كثير ولا وراء هرجه إنتاج
لا ضاق وقتك فيك وأحكم إسياجه=عليك باللي بالعطاء مثـل هـدّاج
اللي إلى جيته تشـوف إبتهاجـه=وعن لازمك ما صك بابه بمـزلاج
مالك ومال اللي إعلومـه سماجـه=اللي بكفّه طقّ صـدره وهـوداج
اللي يضيّع صيدته فـي عجاجـه=وإسمه مع إزحول الرياجيل هلباج
بعض المواقف تنتهـي بنتواجـه=وألا بعضها يا عرب ذنب وإحراج
الموجعه تبطي ويبطـي إعلاجـه=بس الخيانه مالها طـب وعـلاج
الحـر ينفـع والدجاجـه دجاجـه=ولمع الذهب ماهو مثل لمعة الصاج
وكلٍ على ما قيل يعـرف خراجـه=دام القمر بيدك فلا تشعل إسـراج
والليله اللي ظلمته مـن سراجـه=ما ظنّتي للشمع والنـور تحتـاج
أسود من الحرقه على كف صاجه=وأنكد من اللي حطهالهم مسهـاج
ما فيه ضيـق ألا وراه إنفراجـه=شيٍ من الله صبح الأيـام ينبـاج
إلى إنتصف ليلك توّقـظ وناجـه=وإطلب من الله تالي الليل الافراج

للشاعر.. فهد غنام الشمري

صح لسان الشاعر

وتسلم ياسهم

سهم الفريدي
لقد كنت شهماً كما كنت صح لسان الشاعر
فهدغنام الشمرى وسلم قلمكـ على النقل والنشر
تحيتي

مشكور سهم على الابداع المتواصل
دمت بود

مــــــا فـــيــــه ضـــيــــق ألا وراه إنــفــراجـــه==شــــيٍ مــــن الله صــبــح الأيــــام يـنـبــاج
إلــــى إنـتـصــف لـيــلــك تــوّقـــظ ونــاجـــه==وإطـلـب مــن الله تـالـي اللـيـل الافـــراج

تسلم يمينك أخي سهم نقل رائع
وصح لسان من قالها
تقبل مروري

عبدالعزيز

ابو فــــيصل

النـــــــــــــمر

مــــــيس


مشكورين على تواجدكم

لاخلا و لا عدم