الشاعر محمد أبراهيم السكران

( السكران )


محمد بن إبراهيم السكران - رحمه الله تعالى - :

يلقب بـ " أبو علي " ، وهو من سكان قرية السكران بالقرب من مدينة "ساجر " المعروفة بالمنطقة الوسطى ، وينتهي نسبه الى المشارفة من قبيلة بني تميم .
جده الأول الملقب " سكران " ، المولد عام 1015للهجرة عاش في بلدة " أشيقر" إحدى قرى "الوشم" (1).

كان يتميّز - رحمه الله - بإتقان إلقاء الشعر ، وكانت له نبرة تميل إلى الحزن .. ولذلك كان سماع أبياته من فمه له تأثير كبير على مستمعيه ..


وقد اشتهرت القصيدة التي أثارت شجن العديد من الناس هي قصيدة مرثيته في زوجته " منيرة " رحمهما الله تعالى ..
وقد كان الشاعر قد فُجع بوفاتها .. وأثاره فقدان أبنائه لأمهم .. فكانوا يسألونه ما سبب قدوم كل هؤلاء الناس ( للتعزية).. فخرجت زفرات حزنه من خلال هذه الأبيات التي قال فيها :

يالله المعبود ياربنا العالي=محصي(ن) الاعمال باللوح كاتبها
دمعي اللي فوق الأوجان همالي=مثل نو(ن)يوم هلت سحايبها
من مريض(ن) طايح(ن) عندي اقبالي=يوم جاها الحق روحه يجاذبها
يوم أخذها الله ونزل بمنزالي=ودفنوا خلي .. ورزوا نصايبها
الله يثقِّل موازين الاعمالي=يوم والى العرش خلِّي يحاسبها
يوم قفوا قلت: يا مشتكى الحالي=مشتكى حالي على اللي يجاوبها
يوم جيت الدار وامرحت بحالي=والبزور اصغار ماكثر نشايبها
قالوا البزور لي : ويش ذا الازوالي=قلت: مدري يا علي وش سبايبها
قال: عبدالله .. يبي أمه وأنا سالي=خابر(ن) وش صار محسن عجايبها
قلت: يالله بدِّل لنا الغالي بغالي=بدِّل الغالي لنا من قرايبها
قالوا البزور: ما عاد به والي=والقرابه ما تساعد قرايبها
هذي الدنيا عذاب وغربالي=ياكثر عذابها من مصايبها
ليت خلِّي قاعد(ن) ولا نبي مالي=هي غلاتي يوم عيني تلدبها
حسنت الاطباع ماتغثي البالي=ما عدي دورتها مع صحايبها
باليقظ والنوم هي دايم اقبالي=وإن غفت عيني فقلبي يحس بها
واعذاب العين من ليلها طالي= كل ما تطلع نجوم نحتسبها
يوم بان الصبح ثم آذن التالي=هلِّي دمع العين واحرق مذانبها
قاموا البزور ثم اغثوا البالي=يا يبه وين أمنا ؟ .. يا يبه جبها
ما بكيت ولو ما أبكيه اعيالي=وأمكم والي السماء اليوم طالبها
ثم لجّو بالبكى بيتهم خالي=والليالي ماترجع بغايبها
كبدي ياللي حرها واهج الصالي=كن كبدي بالمناشير تشذبها
من سبايب قلة المال وعيالي=والليالي فرقتنا مخالبها
لو أصوِّت للغضي قالوا هبالي=جعل من يلومني في لهايبها
ما مثل "منيرة " أول ولا تالي=والصلاة إعداد ذاري هبايبها

قصيده مؤثره

تسلم ياتركي على النقل

مشكور اخي تركي على الاضافه الرائعه
دمت بود