دام عزهم

أهلا ً هلا يامرحبا هلت امطار=وبانت تباشير السعد في هلاله
فيصل ولد بندر ذرا كل بيطار=الفيصلي جده وعمه وخاله
عندي خبر باللي يبي يصير أو صار=غرب المناخ وشرق والا شماله
ويــم ّ الجنوب انجاز واعجاز واعمار=زها القصيم وكل شي ٍ زهاله
وعندك خبر يا امير يا راع الافكار=نسخه لابوتركي خيالك خياله
النهضه اللي نورها زين الدار=وبانت بها اعلام الفخر والجزاله
وآخر جهودك قمة صغار واكبار=ناس ٍ تحدوا كل اعاقه وعاله
والبارح الحفل الذي ضم شعار=وحضر معه معنى الادب والجماله
زان القصيم وزان تقرير الاخبار=أمن وأمان بحفظ راع الجلاله
سبحانه المعبود النافع الضار=منشي ْ السحاب اللي تراكم خياله
زان القصيم وزانت اقطار واقطار=والحمد للي ظلنا في ظلاله
وارخى علينا نعمته سر واجهار=في كل حال وحال في كل حاله
الخير عم وسارت انهار وانهار=يسلم ابومتعب عسى الطيب فاله
وعسى السلامه تتبعه كل ما سار=دايم معه في مجلسه وارتحاله
معروف ابومتعب .. ذرا الدار والجار=مليك شعب ٍ كل ابوهم عياله
عدونا من هيبته طاح وانهار=هذا وهو ما شاف ميلة عقاله
الله يحفظه من عنا كل الاسفار=ويرجع لنا سالم .. واشوفك قباله

يستحق الثناء أمير المنطقة
شكرا لإبداعك وبوحك الصادق ومشاعرك الوطنية
لايزال القصيم يرفل بلباس التطور ويباهي مناطق مملكتنا الغالية بحسن التخطيط من صاحب السمو الملكي الامير فيصل حفظه الله
دمت شامخاً في مجالس العز ابا عبدالسلام
تقبل وافر التقدير

صح بدنك /

ناقدنا وأديبنا / أبومحمد .


مرورك دائما بجزالة حضورك وأسلوبك وكلماتك .


دمت ودام ابداعك .

مع وافر التقدير والتحية .

قصيده جميله جدا يا ابو عبد السلام
الله عليك وعلى ابداعك الشعري المميز ما شا الله
يستاهل صاحب السمو الملكي الامير فيصل حفظه الله
قصيدة تحمل أجمل العبارات لحب الوطن
هنيئاً لنا بوجود أمثالك
تقبل مروري وتقديري مع التحية

عسى لسانك مايصيبه الميل
وعساك دايم تعتز وفرحان حيل
وأبياتك هلت علينا كسحابة سيل
وعبيركلماتها فواحة بالهيل

وتسلم ويسلم رأسك أخينا نواف
تقبل مروري

قصيده رائعة تسلم اخي الفاضل

صح السانك يابن فارع على ماتحمله من انتمى

لهذا الوطن الشامخ والا ولاة الامر اعزهم الله

مره اخرى صح السانك يانواف



تحية طيبة

الشاعر القدير
نواف فارع
جزله من شاعر جزل والقصيم تستاهل
وصاحب السمو الملكي الامير فيصل بن بندر ماقصر
يستاهل المدح والثناء دمت مبدع ايها المبدع
تحيتي

اقتباس:
المشاركة الأصلية كتبت بواسطة ابـن مـطــيع
قصيده جميله جدا يا ابو عبد السلام
الله عليك وعلى ابداعك الشعري المميز ما شا الله
يستاهل صاحب السمو الملكي الامير فيصل حفظه الله
قصيدة تحمل أجمل العبارات لحب الوطن
هنيئاً لنا بوجود أمثالك
تقبل مروري وتقديري مع التحية



القدير / أبوصالح :


وهنيئا ً لي بمرورك الجزل وكلماتك البلاغية الراقية ,

أمير بكلمتك ...


دمت ودام حضورك .. عيني وعلى راسي .

اقتباس:
المشاركة الأصلية كتبت بواسطة ميس الريم
عسى لسانك مايصيبه الميل
وعساك دايم تعتز وفرحان حيل
وأبياتك هلت علينا كسحابة سيل
وعبيركلماتها فواحة بالهيل

وتسلم ويسلم رأسك أخينا نواف
تقبل مروري



سلم معرف يزهو باسم / ميس الريم .

ودام مرورها وحضور كلماتها الشامخة بشموخ قامتها وثقافتها .

تقبل الله منا ومنك ِ أختي القديرة ,

دمت ِ ودامت لياليك .