فــوزنــا

سـلام مـن هاجـس تحيـه وعرفـان=بـاهـل الفـعـول الـنـادره والامـانــه
سلام يبقى ثابـت ٍ طـول الازمـان=في راس مزموم ٍ شهير ٍ بيانـه
راسـخ وتبقـى قمـة المجـد عـنـوان=فـي نـادر ٍ صيـتـه تـعـدى زمـانـه
اسمـه علـى كـل المعـانـي بليـهـان=وكـل الصفـات الساميـه مـن كيانـه
في شهرته غطا على قصـر بـرزان=ولا حـل فـي حفـل المزايـيـن زانــه
مـعـروف ابـوفـواز كبـتـن وربـــان=وان غـاب عنهـا مـن يحـل بمكانـه
من هاجسـي لاقلـت مانـي بغلطـان=الـفــوز ابـوفــواز حـقــق ضـمـانـه
في نخبـة النخبـه علـى كـل نيشـان=فــوز الطهـيـمـي قـررولــه لـجـانـه
بامر الولي ثم بامر مشعل كحيـلان=الحـفـل حفـلـه والفـخـر مهـرجـانـه
يبقى على طول الزمن عبر الاذهان=الـمــركــز الاول بـيــدنــا عـنــانــه
حــازه ونـالــه بالبـطـولـه عـلـيـان=يـسـلـم ابـوفــواز لاهــــان شــانــه

وتسلم يا أبو عبدالسلام على هذه الجزلة ..

صح لسانك وعلا شانك ، وأبيات رائعة لها رنين خاص ..

يستاهل أبو فواز ،، رفع راس القبيلة ،،

بارك الله فيك ،،

ابو عبد السلام
صح السانك على القصيدة التي لها قبيلة حرب أذاناً صاغية
لأنها الفوز تفتخر به قبيلة حرب ونحن نفتخر بك أخي نواف على القصيدة
ويستاهل الشيخ أبو فواز كل خير .............
تقبل مروري وتقديري لشخصك
لك أغلى تحية.............

نواف فارع
صح لسانك

يستاهل ابو فواز هذا الاطراء والمدح الذي قرأته في القصيده
لك مني كل الاحترام والتقدير

اخوك / بدر

لاهنت أبوفياض ..

وصح كلك ..


والروعة في مرورك وحضورك ..


دمت ودام عزك على طاعته سبحانه .

صح بدنك أبوصالح .


ومن طيبك وطيب معدنك .. وابوفواز كما ذكرت أنت والاخوة الاعزاء يستاهل رجل من التواضع بمكان ,

وكمل عقد الانتصارات .

دمت ودام معرف يحمل اسم / ابن مطيع .

لله درك ابا عبدالسلام

بكل المحافل لك بصمة ولكل شخص له قيمة عندك

صح لسانك وبيض الله وجهك وافي وهذا طبعك

ويستاهل الشيخ ابو فواز هذا المدح

وتقبل تحياتي

حازه ونالـه بالبطولـه عليـان

يسلـم ابوفـواز لاهـان شانـه

اخوى

نواف فارع

صح لسانك وعلاء شأنك جزله من جزل لاهنت يالذيب

وابو فواز يستاهل ورفع روس ربعه ومن فوز لفوز ان شاء الله

تحيتي

أخوي بدر بن حسين :

صح كلك ..

وجمال نظرك من رقي ذوقك ,

سلمت ولاهنت , ودام مرورك وحضورك .

أخي المميز / أبووسيم .


صح كلك , وأعادك الله إلى وطنك ومحلك ,

لا هنت ولاهانت معانيك ومباديك ,

دعواتي لك بمزيد من التفوق والنجاح , ودمت بود .