صوت وصدى

هذه الأبيات يد مصافحة من بعد غيبة كانت بظروفها ,
وصدى لصوت خالي بن حميـّـر بعد قراءتي البارح لأبياته في هذا الصرح :

ياهاجسي أطلب جزيلات الأبيـات=وأكتب على سطر التحايـا تحيـه

أرسل ليا رتبت جـزل التحيـات=للي حضريامرحبـا فـي مجيـه

في حفل ربعي محتمين المـروات=محزم وتاج الراس والفخـر ليـه

مخارشـه وأفعالهـم بالسجـلات=يـوم أنهـا بالسيـف والبندقـيـه

حطولهم في صفحة المجد بصمات=مـع وفقـة الله بالعـزوم القويـه

حازو على نبل الوفاء والمهمـات=في عصرنا الحاضر مع الجاهليه

واليوم بأمر الله نطول الطويـلات=جمع الجماعه والتواصـل سويـه

جمع الجماعه عز في كل الأوقات=جمع النشامـا والرجـال الوفيـه

على تراث" طول الأيـام مامـات=اسباق هجن وخيل والنـار حيـه

وأبا أذكراللي مافعولـه خفيـات=يشهد له التاريخ فـي كـل هيـه

اللي رفع بالحرب والسلم رايـات=عبـاس راع الـعـز والأولـيـه

علمن وكاد وفيه برهـان وثبـات=وطن ربوعه وسط نجـد العذيـه

في موقعن يخزي من الناس شمات=منزال لأهـل الطيـب والشاذليـه

وأبا أذكراللي حي لوهومع أموات=راعـي هقـاوي حطهـا واقعيـه

هذاك محسن يـوم الأيـام دولات=شيخن مفاهيمـه تحـل القضيـه

أضر عدوانـه وشكـل علاقـات=من طلعتـه حتـى وفتـه المنيـه

من الدعاء واجب بكل الصلـوات=نطلبلهـم غفـران رب البـريـه

وربعي حزامي بااليال الصعيبـات=أهـل الفعـول الطيبـه والنقيـه

وختامها منـي سـلام وتحيـات=للي حضر يامرحبـا فـي مجيـه

صدى الأبيات :

حي الجواب اللي لفانا على آت=يمشي ثبات وخطوته مقدميه
من خاطري لا زان بدع العبارات=وامسيت اقارن بين هاذي وذيه
أهلين يا خالي حفيد البطولات=جتنا المعاني منك باغلى هديه
عنوانها ربع ٍ للامجاد ميقات=عيال سالم والبراهين حيه
حي الجواب اللي لحونه عذيات=وباحلى المباني جت حروفه جليه
يذكر عن الماضي دلالات واثبات=من العلوم اللي لها جاذبيه
ويذكر من الحاضر عليها شهادات=لمحاتها في كل عام ٍ نديه
من علـّـم الحاضر يعمــّـر عمارات=ويبني صروح ٍ تشبه العاذريه
من بعد ماكانت حيام وجهامات=تذكر صداها لمحة ٍ موسميه
بانت وزان الراي فعل وكرامات=احداثها تــُروى قصص واقعيه
مشكور يا خالي جميل الاشارات=الشعر خضت بحوره النرجسيه
ومن نور لولوّه كسبت الجزيلات=وهيضت راع القاف يذكر خويه
ويذكر معه أهل السيوف الشهيرات=عيال راشد محتمين الونيه
يا حي طاريهم على كل شيلات=واعداد مامرت علينا عشيه
ولاهان .. أهل العرف واهل النبيلات=اهل العلوم الزاكيات البهيه
ولاهان أمر مجمعين الجماعات=آل السعود اهل البيوت الذريه
من بعد أمر اللي صفاته فضيلات=سبحانه المعبود مرسل نبيه
صلوا عليه وسلموا بالتحيات=مبعوثنا الهادي كريم الوصيه

صوت وصدى لهما رنين جميل
بأبياتهما وعباراتهما ورقي معانيهما
وروعة كلماتهما قصيدتين أجدتُ بهما أخينا فارع
صح لسانك وسلم رأسك
وتقبل مروري وإعجابي بهما

صوت عزيز وصدى مسموع
صح لسان الجميع ودامت ايامك ابو عبدالسلام على هذه الاضافة
ابيات جزله من شاعر تعودنا منه الحضور الراقي وجزل القصيد
تقبل وافر التقدير

الأخت القديرة / ميس الريم .

سلمتي كلك , وصح بدنك ,

وأسلوبك ِ دليل وعيك ورقي ذوقك ,


دمت ِ ودام مرورك ِ وحضورك .

أستاذي وأديبنا / أبومحمد ,

رفع الله مقام مثلك وشرواك , ودام عزك ,


هندسة الكلمات وترانيم الحروف منك .. دائما ً ماتجعلني أقول :

لاهان راس ٍ تشتكي منه الافكار=آسف .. ترى الافكار ما تشتكي منك
لكنها تشكي عنا بوح الاسرار=يحتار غيرك منك من طيب معدنك
يا ابومحمد قلتها سر وجهار=ويامن يراهني .. على كم اراهنك ؟

دمت ودامت أفكارك .

اخوى

نواف فارع

عاش الصوت وسلم الصدى لاعدمنا هالصدى والصوت


صحت الالسن وسلمت القلوب قرأت وإستمتعت بما قرأت


تحيتي

يستاهل / ابن حميّر ،، فقد أجزل بالأبيات ، وأجزلت أنت بالرد ..

صح لسانك يا أبو عبدالسلام ،، وجزلة لا يكتبها إلا / نواف بن فارع ..

دُم بحفظ الله ، ولا تنسانا دوماً من جديد روائعك ، وجزل أبياتك ..

شاعرنا القدير / أبوفيصل .

عيني وعلى راسي طال عمرك ,

كلك نظر , وصح بدنك ,


دمت ودامت قوافيك وكلماتك .

أخي المميز / فهد الطميشا ,

الطيــّـب دائما مايرى الدنيا بجمالها من جمال أفكاره وسمو نظرته ,


صح بدنك أبوفياض وأطال الله عمرك على طاعته .


دمت بكل الود والمحبة .

صح لسان الشاعرين ابيات تستحق الاشاده الشاهده فيك مجروحه اخي ابوعبد السلام
مشكوووووور والله يعطيك الف عافيه
تقبل وافر التقدير و الاحترام
دمت مبدعا
لك ودي